Video
Read full review
2010-04-10
58 views
12月30日, 終於比我恨到~~~ 去跑馬地食雪菜通同油沙多!! 其實以前喺跑馬地返學都成日上黎街市食lunch, 不過對呢間昌記真係無乜印象… 食黎食去都係隔離泰記嘅沙嗲牛通 (都好好味架~) 搞到而家畢咗業先黎潮聖… 真係好遲鈍…::: 雪菜雞翼通粉 + 凍奶茶 ::: $23 + $2好多雪菜~ 好新鮮呀! 其實我未食過咁樣嘅雪菜… 切得好細碎, 味道比平時醃咗好耐嘅雪菜淡少少, 但咬落好爽口! 哈哈~ 仲送多條肉絲比我添! 雞翼好入味~ 啖啖肉好正~ 就連d通粉都用較厚身有坑紋嘅… 吸湯能力一流~ 好味又彈牙~凍奶茶濃郁, 一貫茶餐廳水準, 實在不俗~::: 牛扒芙蓉蛋飯 + 凍朱古力 ::: $33本身想叫芙蓉蛋飯, 但係呀姐話可以雙拼一種扒, 所以多拼一件牛扒~ 豉油牛扒感覺有d怪, 同芙蓉蛋都好似格格不入, 分開食會好d~ 牛扒係普通貨色不作多評, 芙蓉蛋就幾唔錯~ 蛋漿都算夠, 幾滑, 撈飯食好好味~ 火腿料都幾足, 大大件芙蓉蛋夠晒飽~ 叫飯跟餐反而凍熱同價, 凍朱幾濃, 有奶味又有朱古力味~::: 油沙厚多士 ::: $10無特別order吋數, 但都成吋厚~! 面
::: 雪菜雞翼通粉 + 凍奶茶 ::: $23 + $2
好多雪菜~ 好新鮮呀! 其實我未食過咁樣嘅雪菜… 切得好細碎, 味道比平時醃咗好耐嘅雪菜淡少少, 但咬落好爽口! 哈哈~ 仲送多條肉絲比我添! 雞翼好入味~ 啖啖肉好正~ 就連d通粉都用較厚身有坑紋嘅… 吸湯能力一流~ 好味又彈牙~
凍奶茶濃郁, 一貫茶餐廳水準, 實在不俗~
::: 牛扒芙蓉蛋飯 + 凍朱古力 ::: $33
本身想叫芙蓉蛋飯, 但係呀姐話可以雙拼一種扒, 所以多拼一件牛扒~ 豉油牛扒感覺有d怪, 同芙蓉蛋都好似格格不入, 分開食會好d~ 牛扒係普通貨色不作多評, 芙蓉蛋就幾唔錯~ 蛋漿都算夠, 幾滑, 撈飯食好好味~ 火腿料都幾足, 大大件芙蓉蛋夠晒飽~ 叫飯跟餐反而凍熱同價, 凍朱幾濃, 有奶味又有朱古力味~
::: 油沙厚多士 ::: $10
無特別order吋數, 但都成吋厚~! 面頭脆下面軟~ 牛油塗得均勻, 灑上沙糖更添卜卜脆口感! 落沙糖嘅好處係, 你嫌唔夠甜仲可以自己加多幾匙糖! 其實喺屋企無煉奶糖醬我都會咁樣食多士架喇… 呢度個gimmick就係厚囉~ 但我同呀比一致覺得咁厚但中間又無餡無味其實好dry~ 薄d反而更香脆.
又話d呀姐寸又話d雪菜好快沽清又話d多士要講幾厚幾厚… 其實樣樣都唔係~ d呀姐好nice, 我坐喺度等人佢地都好好招呼~ d雪菜我lunch time去都仲有~ 多士都係自動波比夠一吋! 諗起都想食多次!
Post
