潮窩 (Closed)

天氣凍凍地打邊爐又正呀嘛 。其實今次係睇中佢嘅卜卜蜆 ,見人食得咁滋味 。卜卜蜆製大推 汁嘅味道好足 ,超級多蒜頭 ,係勁香勁好食 。蜆基本上冇沙都好新鮮 ,蜆肉都爆滿 !手切安格斯牛小排 (小)雖然係細嘅份量但係都好大碟 ,大家見到油花分佈都幾平均 , 所以食落口係非常之嫩,但唔係入口即溶,有肉未,幾新鮮。配埋先卜卜蜆嘅汁仲有少少蒜味 ,我覺得嗰個湯底打邊爐真係好正 。手工餃同蝦餃基本上我去到邊度打邊爐都會食佢哋嘅手工 制食品。我就幾欣賞呢度嘅蝦餃 ,飽滿又彈牙!最後想讚一讚佢哋嘅服務 ,有禮貌又自動幫手換碟,啲蜆怕太老,又會幫我哋夾埋一邊 !!