Video
Read full review
2018-09-07
91 views
坐落喺登龍街金朝陽中心Midtown 27樓嘅【亞古鍋】飽覽銅鑼灣景色；佢同其他火鍋店唔同嘅係佢花了很多心思從世界各地搜羅多款材料呈獻給食客，而且餐廳佔地超過七千呎！其實打從名字開始就顯得不一樣...【亞古】，店員話我知係法語「Ragout」...本意為鍋物！幾有趣！是晚放工後，大家都想打邊爐，聽同事介紹佢上次食過的【亞古鍋】是多麼高質，我見價錢偏中價位，而且又多好評就一於試試。入到去覺得個view好靚，室內環境舒適，真係可以望到銅鑼灣夜景！設計及隔局有別於一般既火鍋店！全場用黑色和暗紅色為主調配合掛燈和掛畫，餐廳本身好大，所以枱與枱之間好闊落，所以唔會覺得好迫同好吵鬧～打造出環境優雅格調，坐落仲好舒適！店內更設有酒吧，有調酒師長駐，可以好relex同朋友傾計既地方。環境就好合心意啦，但食物質素又如何呢？調味料方面非常豐富，醬料放成九宮格而且望落好衛生，每個都好分明而且新鮮。我地揀選左「招牌亞古鍋」，睇到有人話食完【亞古鍋】 嘅招牌鍋底番唔到轉頭就好想試試！呢個鍋係用精選藥材做鍋底，入面估唔到會有「花膠、螺頭、瑤柱、紅棗、黑棗、杞子等」，再加鮮雞熬八小時而成。幾驚喜先飲一啖，滲入濃濃既
其實打從名字開始就顯得不一樣...【亞古】，店員話我知係法語「Ragout」...本意為鍋物！幾有趣！
是晚放工後，大家都想打邊爐，聽同事介紹佢上次食過的【亞古鍋】是多麼高質，我見價錢偏中價位，而且又多好評就一於試試。
入到去覺得個view好靚，室內環境舒適，真係可以望到銅鑼灣夜景！
設計及隔局有別於一般既火鍋店！全場用黑色和暗紅色為主調配合掛燈和掛畫，餐廳本身好大，所以枱與枱之間好闊落，所以唔會覺得好迫同好吵鬧～打造出環境優雅格調，坐落仲好舒適！
店內更設有酒吧，有調酒師長駐，可以好relex同朋友傾計既地方。
環境就好合心意啦，但食物質素又如何呢？
調味料方面非常豐富，醬料放成九宮格而且望落好衛生，每個都好分明而且新鮮。
我地揀選左「招牌亞古鍋」，睇到有人話食完【亞古鍋】 嘅招牌鍋底番唔到轉頭就好想試試！
呢個鍋係用精選藥材做鍋底，入面估唔到會有「花膠、螺頭、瑤柱、紅棗、黑棗、杞子等」，再加鮮雞熬八小時而成。幾驚喜先飲一啖，滲入濃濃既藥材湯味，非常滋味，每口盡是膠質，猶如燉湯般滋補養生。不愧係招牌湯底！
招牌亞古鍋
18 views
0 likes
0 comments
食材來源地來自唔同國家的出品，跟酒樓的火鍋有層次之分！
因為呢度食材中的亮點莫過於在本地很難得的騸牯牛，所以我們點了騸牯三寶，包括有「牛頸脊、邊抓、挽手」，到底咩叫「騸牯」？
問左侍應哥哥，侍應哥哥好有禮貌咁解釋「騸牯」係指已閹割既牛，被閹割後既牛活動能力比較弱，因此脂肪比例都會高點，牛味亦較濃～講到咁點好似幾特別！期待啊！
騸牯三寶
13 views
0 likes
0 comments
黎到既時候真係覺得擺盤非常精緻，將牛頸脊包至玫瑰花形狀，下面亦好清晰分開左「挽手」同「邊抓」！除左牛頸脊外, 另外兩款既名都係第一次聽, 似乎其他地方很少有。
邊抓
15 views
0 likes
0 comments
挽手肉比我既感覺更肥味，脂肪明顯比邊手多點；而邊手食落軟熟，牛味濃，兩種肉質味道截然不同！而「牛頸脊」肉質比較細緻，油花多，口感嫩滑，牛味又重！三樣都好好食！果然以罕有的騸牯牛（即閹牛）作招徠是對的！每天少量供應，好彩我都食得到！
挽手
9 views
0 likes
0 comments
除左牛之外其他配料及小食等逾百款，包括自家手打肉丸、餃子、各式海鮮及蔬菜等等，選擇應有盡有。我地亦叫左「四合丸、豚肉韭菜餃、濟州豬肉、炸枝竹」！
四合丸由4種肉混合而成「包括墨魚、蝦、豬、金腿茸」食落彈牙得黎又好有肉味，讚！
豚肉韭菜餃韭菜往往比肉重味，但鹿兒島豚肉的油脂香肉味，相當突出，餃子皮十分薄，感到餡料滿滿！食得出保持到新鮮！好味的！
四合丸+豚肉韭菜餃
16 views
0 likes
0 comments
濟州豬肉都好香，不過比起招牌「騸牯」就當然冇咁出眾啦！
平時唔太好豬肉既我, 食第一塊已經不停再吃，口感上比起一般的豬肉要來的軟嫩許多，咬起來帶有微微嚼勁，唔會有渣滓。
濟州豬肉+炸枝竹
24 views
0 likes
0 comments
濟州豬肉
15 views
0 likes
0 comments
雞湯熬至奶白色，有黏稠應該係花膠既骨膠原，但冇黃油在面層，好似唔油膩呢！
招牌亞古鍋
23 views
0 likes
0 comments
炸枝竹比我想像既份量多，吸盡湯汁，再蘸少量辣椒醬，食多幾件都仲得！口感酥香，入口脆身而且食得多唔會感覺油膩！
炸枝竹
7 views
0 likes
0 comments
兩個人始終食唔到太多野，最後就叫多個唐生菜當清一清腸胃就完結呢個火鍋晚餐
唐生菜洗得乾淨，顏色靚靚，幾爽口又夠甜
濟州豬肉+炸枝竹+唐生菜
16 views
0 likes
0 comments
其實仲有好多款菜款想嘗試，包括吊籠、鵝肝墨魚丸！已經唸好下次幾個朋友再約食呢間【亞古鍋】，多人既時候可以品嘗更多款式配料！
高級的火鍋店來說食物的質素與價錢都算成正比！
作三五知己或商務飯局或情侶約會打個邊爐係可以傾計談心，呢間真係值得推介，因為好多打邊爐既地方都空間較逼而且吵鬧，呢度絕對冇呢個問題！夠闊落又高雅！服務質素都唔錯...照顧週到！
食完飯後在露台裡鳥瞰維港海景，吹吓風，又幾舒服呢！
Post
