Video
Read full review
2019-04-19
1118 views
呢排好想去飲杯清酒食下爐端燒，又聽見九龍城新開三層樓高日本料理店，近近地即刻約朋友去試。一坐低咁岩見到happy hour menu覺得幾抵，一杯酒再加五份串燒，可以揀3款肉2款菜，只限17:30-19:30，時間剛剛好仲有得食😂，正。剛點完菜就送上左一杯真澄清酒，仲用左紅酒杯凍上。食物方面首先揀左日本黑豚肉五花腩串，燒得好有鹹香肉味，肥膏都燒得好香脆。之後就有雞肝，質感有啲似豬潤，鐘意食內臟既朋友可以一試。而明太子雞翼燒得外皮香脆，咬入口感覺幾豐富，因為入面係填滿左明太子，同雞翼既油香融入，一隻真係唔多夠喉。蔬菜再揀埋燒茄子同埋日本蕃薯，茄子食落去味道較淡，不過口感幾特別，唔似川式港式燒得好稔，硬身少少。日本蕃薯就非常出色，用料感覺唔同，問左一問主廚原來係用愛知縣既蕃薯。師傅功架非常好，燒到外脆內軟，味道又甜又比其他蕃薯多一股奶香味。最後忍唔住都encore左呢份日本蕃薯！除左呢個happy hour set，我地都再額外點左是日廚師推介，價值$160既汁燒飛驒和牛肋一串。Menu都寫左係日本直送食材，黎到之後都冇令我地失望，牛味好香好重，肉質又稔，齒頰留香真係冇誇張。雖然真係唔平，
一坐低咁岩見到happy hour menu覺得幾抵，一杯酒再加五份串燒，可以揀3款肉2款菜，只限17:30-19:30，時間剛剛好仲有得食😂，正。
剛點完菜就送上左一杯真澄清酒，仲用左紅酒杯凍上。食物方面首先揀左日本黑豚肉五花腩串，燒得好有鹹香肉味，肥膏都燒得好香脆。
之後就有雞肝，質感有啲似豬潤，鐘意食內臟既朋友可以一試。
而明太子雞翼燒得外皮香脆，咬入口感覺幾豐富，因為入面係填滿左明太子，同雞翼既油香融入，一隻真係唔多夠喉。
蔬菜再揀埋燒茄子同埋日本蕃薯，茄子食落去味道較淡，不過口感幾特別，唔似川式港式燒得好稔，硬身少少。
日本蕃薯就非常出色，用料感覺唔同，問左一問主廚原來係用愛知縣既蕃薯。師傅功架非常好，燒到外脆內軟，味道又甜又比其他蕃薯多一股奶香味。最後忍唔住都encore左呢份日本蕃薯！
除左呢個happy hour set，我地都再額外點左是日廚師推介，價值$160既汁燒飛驒和牛肋一串。Menu都寫左係日本直送食材，黎到之後都冇令我地失望，牛味好香好重，肉質又稔，齒頰留香真係冇誇張。雖然真係唔平，但好值得一試！
今次我同朋友雖然短敍一番happy hour亂撞入去試下，但其實都幾有驚喜，坐位坐得舒服，又可以睇到各大廚們拎住新鮮食材即叫即燒。期間主廚周先生都有走出黎問我地意見，又推介我地試唔同野，真正傾得開心食得開心☺，希望下次再有機會食更多唔同日本直送食材試新野！
Post
