鮨廷 (Closed)

又多一間立食壽司開ｏ係尖沙嘴啦，真開心！以後唔洗怕立鮨多人排隊、因為小編發現呢度既質素絕對同隔離舖有得揮！最重要係d服務好d、食物新鮮d，上次小編去隔離食完之後有輕微肚痾、隔左兩個月本來打算去食返，今日經過見到呢間新開既，當然要試下啦價錢其實同隔離比差不多、最多平5%左右、呢度得中和大拖羅食，好似冇隔離咁多款選擇，但勝在d料好新鮮、講真其實小編唔太like件壽司上面放太多醬料or配料，有時候食唔到d鮮味，但呢度就唔會囉，魚和生蠔都好新鮮、時令白子都有得食，好滑呀！超級正壽司飯唔係赤醋、不過d飯好好味，呢度係食鮮味、隔離就係濃味，睇下大家想食鮮味or濃味野，個人認為壽司都係鮮味為主，雖然小編都係濃味怪、但壽司除外另外雖然呢度都係立食但環境寬敞好多，好舒服、檯又闊d冇話太逼咁，茶有綠茶粉or玄米茶比你隨意落，真係好正可能係新開啦，服務真係好好、小編和母親大人食得好開心、下次都會encore返呢度。師傅、server又親切d、食物質素又好，做咩要去隔離受氣wor