久兵衛外賣壽司店 (Closed)

知道黃埔最近開左間外賣壽司店，終於去到買黎試。叫左個一人前（葵）比小朋友，有13件，包括：熟蝦、八爪魚、鰻魚、蟹柳、玉子、腐皮同埋青瓜肉鬆卷！佢竟然食得晒成份，應該係太好味吧。另外叫左個頗受歡迎嘅北海道魚市場丼，有三文魚、海膽、肥美帶子，蝦、北寄貝、飛魚子，性價比極高！推介！再加左個軟殼蟹卷，即叫即炸，好香口！一人前同丼都有甜品（泡夫）送，非常圓滿！食材好新鮮，下次會試多幾款丼同刺身，期待！