康年餐廳

Open Now

Now Closed

康年都算係幾出名既茶餐廳，可惜我一路都冇機會試到入面堂食既早餐午餐，不過我就會成日買佢既麵包做早餐。康年好醒目，入面堂食港式茶餐，出面有個麵包部，簡直兩門生意齊齊做。未試過真係唔知，佢既麵包真係係好新鮮，一接上手仲熱騰騰，但又唔係熱到好快扁左一舊野，因為佢唔係空氣麵包，係有口感又新鮮既麵包。我買左好有營養既提子包，都係六蚊，因為唔想一朝早食油淋淋既波蘿包或雞尾包，但基本上佢地都係好食好出色既。唯一美中不足係人多又冇得排隊好亂，姐姐分唔到邊個等緊先，所以要鬥大聲同霸氣