Video
Read full review
2023-08-31
6249 views
今日去咗中環商業中心區嘅一間米芝蓮三星級意大利餐廳《8 1/2》，佢以佢嘅黑松露料理出名。不過，入到餐廳嗰一刻，其實冇感受到作為三星級餐廳嘅服務水平。佢嘅裝修風格簡樸而輕奢，感覺唔似精緻嘅Fine Dining，反而更似商務行政午餐嘅感覺。午餐時間有好多客人，大部分都係附近上班嘅金融才俊。未點餐之前，已經為我哋送上麵包。米芝蓮餐廳嘅麵包通常都好好食，配埋佢地嘅橄欖油同埋黑醋，真係食麵包都食飽。我哋點咗三個course嘅set lunch，其中值得一讚嘅係佢哋有季節菜單，為配合夏天，大廚花咗好多心思。首先，作為全餐嘅開胃菜，大廚準備咗凍蜜瓜配火腿。咸香嘅火腿配上凍嘅蜜瓜，真係好適合夏天嘅開胃菜。然後頭盤分別係紅蝦配帶子同埋八爪魚。紅蝦同帶子真係絕配，而八爪魚呢個我一向唔太鍾意，雖然大廚處理得好好，不過我都覺得一般般。之後嘅兩客意粉分別係吞拿魚意粉同羊肉手打意粉。大廚用咗吞拿魚配意粉，相信係想配合夏日風情，不過意粉入面嘅橄欖味道太搶戲，如果一齊食，吞拿魚嘅味道就完全被遮蓋咗，要分開食先可以品嚐到吞拿魚嘅鮮美。不過，值得一提嘅係佢哋嘅手打意粉真係做得好好，口感好細緻。最後嚟到主菜，延續夏日主
今日去咗中環商業中心區嘅一間米芝蓮三星級意大利餐廳《8 1/2》，佢以佢嘅黑松露料理出名。不過，入到餐廳嗰一刻，其實冇感受到作為三星級餐廳嘅服務水平。佢嘅裝修風格簡樸而輕奢，感覺唔似精緻嘅Fine Dining，反而更似商務行政午餐嘅感覺。午餐時間有好多客人，大部分都係附近上班嘅金融才俊。未點餐之前，已經為我哋送上麵包。米芝蓮餐廳嘅麵包通常都好好食，配埋佢地嘅橄欖油同埋黑醋，真係食麵包都食飽。我哋點咗三個course嘅set lunch，其中值得一讚嘅係佢哋有季節菜單，為配合夏天，大廚花咗好多心思。
49 views
0 likes
0 comments
41 views
0 likes
0 comments
首先，作為全餐嘅開胃菜，大廚準備咗凍蜜瓜配火腿。咸香嘅火腿配上凍嘅蜜瓜，真係好適合夏天嘅開胃菜。然後頭盤分別係紅蝦配帶子同埋八爪魚。紅蝦同帶子真係絕配，而八爪魚呢個我一向唔太鍾意，雖然大廚處理得好好，不過我都覺得一般般。
50 views
0 likes
0 comments
51 views
1 likes
0 comments
43 views
0 likes
0 comments
之後嘅兩客意粉分別係吞拿魚意粉同羊肉手打意粉。大廚用咗吞拿魚配意粉，相信係想配合夏日風情，不過意粉入面嘅橄欖味道太搶戲，如果一齊食，吞拿魚嘅味道就完全被遮蓋咗，要分開食先可以品嚐到吞拿魚嘅鮮美。不過，值得一提嘅係佢哋嘅手打意粉真係做得好好，口感好細緻。
31 views
0 likes
0 comments
25 views
0 likes
0 comments
最後嚟到主菜，延續夏日主題，兩個主菜分別係魚同餐廳主打嘅黑松露配牛肉。大廚控制魚嘅熟度恰到好處，配埋醬汁，非常適合夏天嘅口味。而最後就嚟到重頭戲嘅黑松露，呢個係我第一次食新鮮黑松露，但係我絕對無想到，我接受唔到新鮮黑松露嘅氣味。之前聽人講黑松露嘅香氣無與倫比，但對我嚟講，呢個味道真係難以形容，令我有啲噁心嘅感覺。當侍應生攤黑松露喺我面前嘅時候，我真係有啲唔舒服。不過我明白呢個係我個人嘅問題，因為餐廳嘅每張桌都有客人享用黑松露，整個餐廳都彌漫住呢個特殊嘅氣味。
40 views
0 likes
0 comments
38 views
1 likes
0 comments
儘管如此，總括而言，呢間餐廳係值得推薦嘅。如果你鍾意黑松露，可以嚟試下。口味因人而異，只係我個人接受唔到黑松露嘅味道而已。
Post
