發哥粥底海鮮火鍋 (Closed)

朋友叫我入顯徑睇風水, 原來顯徑有D地方風水極好! 千奇唔好睇唔起住公屋嘅朋友!睇完風水之後, 朋友請客去發哥粥底火鍋開餐.如果無估錯, 餐廳由以前嘅冬菇亭改建而為成.近年好多冬菇亭都改哂, 變得更舒服, 最起碼有冷氣先!今次哩間發哥環境唔錯, 冷氣足夠.點咗兩個餐, 分別係龍蝦餐同海蟹餐.另外再點咗D火鍋配料.首先龍蝦係有美味嘅蝦膏架! 大大舊蝦肉新鮮彈牙而且鮮甜!海蟹同龍蝦一樣，味道鮮甜.近排幾次打邊爐, 牛栢葉出奇地軟冧, 今次都唔例外, 口感軟冧, 滿意.留意, 發哥粥底火鍋有另一個名叫潮江居, 我搵咗一排先搵到!