東京街日本料理 (西洋菜南街)

Open Now

Now Closed

今日約咗friend去太子行街，就去咗東京街食嘢。店內環境乾淨雅緻，我哋order咗個雜錦刺身定食，壽司定食 同埋燒牛舌。前菜沙律配上醬汁，非常醒胃。餐前個湯暖暖地易入口。雜錦刺身上枱嘅擺盤好靚，而且食材新鮮又夠凍，仲要係厚切，除咗平時比較多食嘅三文魚，最鍾意佢嘅係北寄貝同埋甜蝦刺身，入口鮮甜！壽司定食嘅賣相可口，手握飯結實，配上唔同嘅刺身，可以一口一嚿，口感滿足。蒸蛋裏面有日本魚蛋同埋蟹柳，蛋香味濃。至於燒牛舌係第一次試，肉質非常煙韌。整體性價比高，會再幫襯！