漁火海鮮刺身火鍋

Open Now

Now Closed

放工同朋友係銅鑼灣地鐵站一出對面駱克道京都廣場, 有間漁火海鮮刺身火鍋, 食材新鮮, 要同大家分享。漁火招牌麻辣鍋, 全無味精, 自家熬製, 配料香料足, 辣得黎不會太麻。胡椒白果豬肚煲, 同樣係無味精及自家熬製, 胡椒味濃, 辣辣地, 豬肚份量多。漁火特選牛盛薈     $468一個價錢可以食齊五款牛, 份量又多, 包括有牛邊位、牛頸脊、牛舌芯、牛柳粒同Prime牛肉, 五款牛都咁新鮮, 肉汁多, 牛味濃, 真心推介!蘇格籣蟶子皇     $156 (2隻)平時食開蟶子邊有咁大隻, 叫得做蟶子皇就有番咁上下大隻, 只淥12秒一見離殼便食得, 入口爽滑彈牙有口, 非常好食。即炸鬆脆響鈴     $58好大條的響鈴, ORDER後新鮮炸起, 只需淥一秒食得, 外層索哂美味湯底, 內層仲保持鬆脆狀態, 入口美味無窮, 雙重享受。鮮鵝腸     $98外表肥美嫩滑, 淥熟後入口爽滑彈牙。時令什菜籃     $78一大盤包括有生菜、白菜、菜心、粟米同冬菇, 新鮮又健康,  可保持均衡飲食。