見城日本料理 (Closed)

見城日本料理星期六, 返大陸~~北上前先醫醫肚補充體力, 一條友黎左呢度食個LUNCH~~點左個松花堂便當,有刺身、炸物、煮物及燒物, 幾多野食~~刺身有左口魚、魷魚、甜蝦同吞拿魚, 幾新鮮甜美~~天婦羅有炸蝦、炸南瓜同炸小青椒, 好香脆惹味~~煮物係五花(月南), 呢個就麻麻~~唔夠中國既東坡肉好食~~燒物是鱈魚西京燒, 好香口好多汁~~唔會燒到好乾~~掂~~見旁邊既客人食手捲好似好好食~~小弟都追加一客海膽手捲同蔥花TORO手捲~~手捲係一條圓柱體, 唔係通常既圓錐體, SIZE好似細左D~~坐BAR枱帥傅整好就即刻親手交俾你~~重話即刻食先最好食~~搞到我都唔好意思影返張相TIM~~味道很好~~TORO好肥美~~最後值得一提既係呢度既Wasabi係用新鮮山葵磨既~~食落冇咁辣, 味道更香~~