Video
Read full review
2017-03-15
1134 views
踏入三月，就係我嘅生日之月，妹妹話同我慶祝生日帶我食好野，就黎到呢到食日本新鮮嘅海鮮。我地見到有兩間分店，尖沙咀個間好多人推薦，不過我地住港島，銅鑼灣相對近d,我諗質素應該差唔多因為我地驚夜晚太多人，所以諗住中午去食，中午人流果然少d,唔洗等就有得入首先我地叫左幾款刺身，全部刺身都好新鮮，好有鮮味。榮螺刺身係好爽脆嘅口感，食落好清爽，一d都唔腥。海膽刺身勁好食，非常新鮮，有天然海膽嘅甜味，呢個海膽係偏橙色，唔係一般見到嘅黃色。一片片海膽食真係一大享受。生蠔都係好推薦，其實我本身唔係特別中意食生蠔，但黎到呢d食新鮮水產嘅店，一定要試下生蠔。呢個生蠔嘅色澤好靚，脹泵泵咁，仲好大隻添。食落去飽滿多汁，一d都唔腥，仲可以食到大海嘅感覺。之後就開始熱食嘅部分。銀鱈魚味道非常好，係我數一數二中意嘅料理之一。估唔到熱食都咁出色。魚肉口感非常滑，外皮烤到少少脆，入面鮮嫩帶有魚汁。最正就係佢嘅調味做得好好，宜家諗番都想再食。芝士魚蛋都唔錯，職員會幫手烤呢d食物，岩岩烤完外脆內軟，芝士變成軟心，正呢個蟹殼又係黎到必試，我地叫左兩倚個口味，但其實我覺得兩隻味都差唔多😝入面有滿滿嘅蟹膏，仲有蟹籽，蘿蔔絲等材料
我地見到有兩間分店，尖沙咀個間好多人推薦，不過我地住港島，銅鑼灣相對近d,我諗質素應該差唔多
因為我地驚夜晚太多人，所以諗住中午去食，中午人流果然少d,唔洗等就有得入
首先我地叫左幾款刺身，全部刺身都好新鮮，好有鮮味。榮螺刺身係好爽脆嘅口感，食落好清爽，一d都唔腥。海膽刺身勁好食，非常新鮮，有天然海膽嘅甜味，呢個海膽係偏橙色，唔係一般見到嘅黃色。一片片海膽食真係一大享受。
生蠔都係好推薦，其實我本身唔係特別中意食生蠔，但黎到呢d食新鮮水產嘅店，一定要試下生蠔。呢個生蠔嘅色澤好靚，脹泵泵咁，仲好大隻添。食落去飽滿多汁，一d都唔腥，仲可以食到大海嘅感覺。
之後就開始熱食嘅部分。銀鱈魚味道非常好，係我數一數二中意嘅料理之一。估唔到熱食都咁出色。魚肉口感非常滑，外皮烤到少少脆，入面鮮嫩帶有魚汁。最正就係佢嘅調味做得好好，宜家諗番都想再食。芝士魚蛋都唔錯，職員會幫手烤呢d食物，岩岩烤完外脆內軟，芝士變成軟心，正
呢個蟹殼又係黎到必試，我地叫左兩倚個口味，但其實我覺得兩隻味都差唔多😝入面有滿滿嘅蟹膏，仲有蟹籽，蘿蔔絲等材料，令口感更加豐富。
烤完之後就變成咁，d蟹肉滿滿咁係蟹殼到，好吸引，味道都好好，有濃郁蟹膏味，口感香滑，仲有不同嘅配材增加口感。我仲叫左飯糰一齊搭配食。
蝦好大條，而且好新鮮，生果陣已經可以見到有好多膏
肉質爽口彈牙，啖啖肉好正，可以食到蝦嘅鮮味，不過因為無調味，所以比較普通，中意食蟹多d
我地仲叫左兩杯飲品，我呢杯係巨峰燒酌，巨峰提子梳打加日本燒酒。飲品好大杯，價錢都幾抵，而且味道好易入口，有燒酒味但唔太濃，巨峰提子梳打嘅味道較出。岩晒我呢d唔中意飲烈酒嘅人。
其實一餐食落黎價錢都唔平，不過質素都做到嘅，特別中意海膽，銀鱈魚同蟹。係呢d慶祝嘅日子食都唔錯
Post
