莆田 (利舞臺廣場)

Open Now

Now Closed

平時日式鰻魚就食得多，呢間中菜館最近新推鰻魚節，主打四種唔同煮法嘅鰻魚菜式，食材由漁場運輸到全球門店，標榜只採用重800-1000g，體長近70CM身材嘅，唔試過唔知有冇料到！鰻魚菜式叫咗兩款，蒜蓉豆豉蒸鰻魚以點心蒸籠仔上，魚肉充滿豆豉香氣，食落甘香油潤、普寧豆醬焗鰻魚，外皮呈現反卷狀，口感Q彈，鮮美又好食，下面鋪滿洋蔥同蒜頭，十分香口。新品菜式有原汁焗排骨，以1小時蒸，原汁原味，骨肉分離，一咬即散，老少咸宜，性價比高。椒鹽豬手製作時間足足有成8小時，外層薄身又酥脆，滿滿膠原蛋白，值得一試。另外有石鍋滑豆腐，熱辣辣上枱，建議要加點白飯拌，豆腐外焦裏嫩，仲有肉碎同煎蛋，超有驚喜。菜品有芥蘭豆皮，簡單清炒，味道鹹香，滑嫩爽口。整體滿意度十足，會回訪嘅餐廳。