本命鐵板燒

Open Now

Now Closed

抵食鐵板燒，每位包十一道菜，用料超新鮮，鍾意食海鮮嘅你更加唔可以錯過。環境 餐牌有$588有$788，差少少價錢，可以食多啲嘢，我哋就揀$788。 命鐵板燒 $𝟽𝟾𝟾/人 包括前菜、南非鮑魚、時令海鮮、銀雪魚、鵝肝、牛舌芯、鹿兒島和牛、炒飯、吸物、炒野菜及甘味。前菜有蘆薈沙律及秋葵飛魚籽，之後就上時令海鮮，都龍蝦🦞、北海道帶子、銀鱈魚、南非鮑魚、鵝肝。龍蝦以海膽烹調，炒香海膽後撈埋一齊，超邪惡😆兩種鮮味爆棚嘅海鮮炒埋一齊確係鮮上加鮮；北海道帶子配西洋菜忌廉汁，以蔬菜汁伴碟唔會搶去主角風頭，新鮮帶子必定係以半生熟呈現，先能保持其軟硬兼備嘅口感；銀鱈魚同樣配蔬菜類嘅雜菌汁，菌汁濃郁配銀鱈魚加煎香嘅紫蘇葉及魚皮更多變化；南非鮑魚大大隻，煮熟後淋上乾瑤柱松葉蟹汁，𝟯者好夾，鮑魚煙煙韌韌配茨汁唔會覺漿口；至於鵝肝配意大利黑醋及焦糖蘋果解油膩。食完海鮮就到主食，有牛舌芯及和牛，配以蒜片解膩，牛舌芯煎至微焦帶少許煙燻口味更香口，和牛就比較肥膩，咁啱我哋呢舊全件都係肥膏，我就會沾比較多嘅𝘄𝗮𝘀𝗮𝗯𝗶 及蒜片一齊食，如果先問客人根據其喜好揀肥/瘦會更好。上炒飯之前會上返以龍蝦殼煲嘅麵豉湯，夠哂鮮又唔會死