天聚源 (Closed)

有冇諗過喺香港可以喺一個咁嘅地方食蒸氣火鍋：高樓底又有空間感的木屋，木屋外面又有幾張長木枱，仲有一個露天金魚池，旁邊仲有三隻超巨型大烏龜，一旁仲有不同新鮮嘅活海產直接成為蒸氣火鍋嘅食材?唔係講假，呢度唔係台灣丶大陸，而係屯門藍地輕鐵站旁的火鍋餐廳，佢仲提供多種德國樽裝啤酒，啱曬鐘意飲麥味重啤酒嘅我。今晚食左個海鮮蒸氣火鍋套餐，有龍蝦丶蟹丶大蝦丶扇貝丶帶子丶聖子丶大大小小嘅新鮮貝類海鮮，仲有咸鷄丶烏冬丶同埋滙聚海鮮精華嘅白粥，海產新鮮不容置疑，侍應會替你用計時器配合每款不同海鮮蒸熟的時間，我同朋友一邊傾計一邊飲啤，侍應到時候就將蒸好的海鮮放在大家面前，跟著又將另外一樣海鮮放入蒸氣煱內，如此這般，我地就慢慢享受這次美味的海鮮蒸氣火鍋大餐了。