談風：vs：再說 (Closed)

得悉談風系西環重開，趁星期日即刻黎試試先！ 一向中意懷舊既野我，牛頭角舊址完全合晒我心意，食物份量不多但足夠，裝修好用心...所以好期待新店會有驚喜....可惜....冇驚喜！ 先講裝修，空間感絕對比舊址大，想營造coffee shop 寫意效果，從前懷舊感覺已經完全冇晒，好難想像同牛頭角既舊舖係有關係既...食物方面，所謂既lunch set 完全唔係正餐既野，全部都係沙津，pancake 同麵包，正常女仔都唔夠食，我覺得似早餐多d.... 一個湯三片淨包盛惠$88， pancake 雖然係厚身但係只有一塊，唔該晒... 服務其實唔差可惜既係漏單！ 我以為係主打慢活所以一路傾偈冇問，坐左成個鐘終於問佢點知佢話原來冇落單好彩佢都好快黎返d 野食，但係完全唔飽飲野可以但係食飯就冇下次喇