Video
Read full review
2019-07-14
2522 views
Liberty喺中環交易廣場，裝修得幾高檔，所以環境唔錯加埋喺呢個靚地段，喺呢個地段無論幾貴都唔怕冇人流。我一年前來食過lunch，感覺上雖然貴但係物有所值。但最近去食發現佢update咗餐牌，價錢無點變，都係咁貴連埋加一要成$300一餐，但係份量就少咗非常之多，而且食物冇咁好食。「少咗非常之多」係咩意思？佢雖然有餐包、主食及甜品，但食完之後我唔覺飽嘅。我記得之前都好多人嚟食，如果冇定位嘅話就要坐吧枱。但今次去食發現靜左好多。咁梗係啦$300都食唔飽，環境幾靚都冇用啦。之前tuna tartare 有一大碟，淨係食呢個都可以當一個午餐，而且仲有生雞蛋同埋一邊方包攪拌嚟食。今時今日再去，可以話分量少咗三四倍。香港通脹得咁犀利咩？主菜嘅通脹程度更加嚴重，得一塊雞再加兩條菜...... 我去附近的Pret 買個雞胸肉沙律仲飽過佢。我記得之前係有好幾塊雞嘅另外仲有啲健康米、菜等等。甜品都係Hea交貨，不過唔係重點唔多講。雖然話呢區只要環境好，無論幾貴都會有人嚟食lunch，不過認真可以再有誠意少少。當然啦可能三百幾蚊咁樣食啲人都唔覺得貴，但係換咗menu之後真係差左好多，起碼份量少咗好多但係味
我一年前來食過lunch，感覺上雖然貴但係物有所值。
但最近去食發現佢update咗餐牌，價錢無點變，都係咁貴連埋加一要成$300一餐，但係份量就少咗非常之多，而且食物冇咁好食。
「少咗非常之多」係咩意思？佢雖然有餐包、主食及甜品，但食完之後我唔覺飽嘅。
我記得之前都好多人嚟食，如果冇定位嘅話就要坐吧枱。但今次去食發現靜左好多。咁梗係啦$300都食唔飽，環境幾靚都冇用啦。
之前tuna tartare 有一大碟，淨係食呢個都可以當一個午餐，而且仲有生雞蛋同埋一邊方包攪拌嚟食。今時今日再去，可以話分量少咗三四倍。香港通脹得咁犀利咩？
主菜嘅通脹程度更加嚴重，得一塊雞再加兩條菜...... 我去附近的Pret 買個雞胸肉沙律仲飽過佢。我記得之前係有好幾塊雞嘅另外仲有啲健康米、菜等等。
甜品都係Hea交貨，不過唔係重點唔多講。
雖然話呢區只要環境好，無論幾貴都會有人嚟食lunch，不過認真可以再有誠意少少。
當然啦可能三百幾蚊咁樣食啲人都唔覺得貴，但係換咗menu之後真係差左好多，起碼份量少咗好多但係味道又唔覺特別好食左。
Post
