Coffee Jobs (Closed)

記得幾個月前黎過旺中帶靜既廣華街Coffee Jobs食過Dinner, 印象中佢地整既溫泉蛋做得唔錯, 今晚同朋友再經過呢間Cafe見到門外menu新推出左幾款野食, 睇圖賣相幾吸引, 於是就入去食個dinner。因為店面面積較細, 所以入座起計用餐時間限制為1.5小時, 自助去counter點餐~ 【Summer】HK$52百香果mix菠蘿特飲, 頂層有一片菠蘿剛剛覆蓋杯面, 飲落非常清新, 甜甜地, 入口仲有果香味。【醬挪威三文魚蕃茄闊條麵】HK$128蕃茄醬好杰, 酸酸地又甜甜地, 很開胃, 闊條麵軟硬剛剛好, 每條麵都平均沾到茄醬, 三文魚表面煎過, 雖然未至於嫩滑, 但入口幾香口, 加上有少少三文魚籽, 增添魚油咸香味同口感, 唔錯!【原隻南瓜焗海膽海鮮意大利飯】HK$168賣相很邪惡、很有份量既一個意大利飯。原個南瓜裝滿意大利飯, 面層有半溶芝士, 加上多款海鮮, 包括海膽、吉列蝦、兩隻虎蝦、兩隻青口、鮮魷, 同埋少少三文魚籽。吉列蝦很脆, 兩隻蝦亦很爽口, 不過海膽有些少腥味。整個飯最邪惡、最驚喜就係芝士有拉絲效果, 雖然芝士味唔太突出, 但意大利飯好creamy, 飯