泰殿 (Closed)

一心唸住行上Soho食飯，係長電梯望過去見到呢間店，朋友就提議改地點。12點45分到，仲有好多吉枱。三個懶人廢事唸，所以叫咗二人set lunch及精選set (i.e. 1人餐)。二人set lunch，有湯(冬陰公 or 魚羹)、沙律(柚子or青木瓜) 、炒通菜、主菜(揀咗甜酦蝦)、仲有點品。1人餐，有湯，主菜(揀咗青咖哩雞)、點品。 冬陰公 - 好香、料好足、有兩隻唔細既蝦 魚羮 - 冬菇味好濃、但係無咩魚味 柚子沙律 - d柚子好靚、好甜、個汁甜甜地好好味 炒通菜 - 味道ok 甜酦蝦 - 好細碟，不過幾好味，唔太酦。有好多青椒、菠蘿、洋蔥、同幾隻大大地既蝦。 青咖哩雞 - 可能係1人餐，所以好細。用一個細碗裝住，但味道唔錯喎，淡淡 青咖哩味，有小小辣，雞就好細件，而且無咩味。另外係碟飯到再比d菜你，份量唔少架。 點品 - 兩件小小既糕點，但食唔出係咩味。其中一件應該係椰子味、另外一件綠色既可能係蜜瓜味。係中環咁既食物、咁既地點、咁既環境，都唔錯架啦。