譽居

Open Now

Now Closed

平時放工好夜，返到屋企附近只想快快手搵間乾淨企理餐廳食熱辣辣既晚飯，我都會選擇譽居。佢位置就係將軍澳站popcorn G/F, 夜晚10點入去都仲有得食，茶錢每位都只係5蚊，另有加一服務費。食物既選擇都好多，有點心、小菜、炒粉麵飯、粥品、燉湯、中式糖水。價錢同出面茶餐廳差唔多，裝修環境同服務都幾好，侍應姐姐同經理都有笑容。今次食既係星洲炒米，$75大大碟夠兩個人食，佢會配埋辣椒醬俾你調味。炒米配料有蝦、叉燒、炒蛋絲、韮黃，香口惹味，整體都滿意嘅。