三川居酒屋 (Closed)

收工之後同朋友想去居酒屋Chill吓，所以就嚟咗銅鑼灣嘅「三川居酒屋」！去開sogo行街完，好方便嘅地理位置。一入到去見到日式裝修，環境舒服，好啱我哋傾偈。叫咗「$598特盛2人餐」，首先上咗前菜「牛油果三文魚野菜沙律」，好鍾意佢個味道，夠酸又開胃，牛油果粒粒配三文魚好正！之後就上咗「魚脂刺身三點盛」，全部都勁厚切，啖啖肉。之後我哋加錢叫咗「濃湯時令海鮮鍋」，新鮮熱辣奉上，飲到暖入心，之後上咗個「蟹膏蟹肉炒飯」，加入咗些少蟹籽，令口感好豐富。之後就上「岩鹽香草燒紐西蘭羊架」，新鮮燒起，羊肉勁Juicy，如果有兩件就好啦！最後甜品我哋揀咗豆腐雪糕同埋綠茶雪糕，今餐真係食到好滿足！