逸翠軒點心專門店 (Closed)

尋日同朋友係尖沙咀行街買野,行到肚餓想到附近餐廳食飯,當日特別想食點心,於是就搵到有一間在首都廣場的點心專門店,呢間店位置方便,在馬路對開一搵就搵到。一入去間餐廳就選咗近窗口位坐,半個大玻璃面向商場景, 呢間店新開, 座位舒適寬敞, 一點壓迫感都冇我地先點咗開胃小食涼拌青瓜, 青瓜十分醒胃。再黎就係逸翠鮮蝦餃, 蝦餃十分可愛, 是青草綠的蝦餃皮, 這款第一次見, 口感特別爽脆。之後就係流沙奶皇包, 奶皇包熱辣辣一打開奶皇金黃色而且好重奶皇味, 好香好甜。然後就係北菇滑雞飯, 這個滑雞飯唔好講笑$33係香港根本食唔到一個正常既飯, 這個盛到滿滿既飯再加上好新鮮既滑雞, 我同朋友都差點食唔曬我特別叫咗個原盅淮山杞子元肉燉老雞湯, 一盅$28而且材料好足, 火喉十足, 入口清甜, 真心推薦。最後我無選甜品, 叫了一杯維他奶紅豆冰, 我被呢個名深深地吸引, 二話不說立即點這款, 原杯維他奶豆奶加紅豆十分特別, 值得一試。