營豐海南雞專門店 (Closed)

平時都好少係西灣河搵好野食，今日啲朋友話想係柴灣食下野，所以就諗起食海南雞飯。依間海南雞飯都成日見到好多人去買外賣，就決定去試下。佢除咗海南雞飯都有好多選擇，有口水雞、咖哩，仲有啲小食，豬扒、雞扒、雞腳都幾吸引。海南雞飯配油飯，佢個油飯係加咗黃薑粉，所以個賣相都幾靚，個飯都吾算太油。而海南雞就比較滑，加上我地叫咗去骨海南雞飯，所以食落都特別方便。口水雞配油飯，口水雞個醬都幾惹味，吾算好辣，但又好開胃，不過個底就有少少油。海南雞同口水雞都係套餐，所以包咗個餐湯，係東瓜煲雞，都幾清甜，仲有幾舊東瓜係入面。香茅煎豬扒，店舖好貼心，幫我地剪到一條條，方便我地share。泰式雞腳，依個係甜酸汁既雞腳，最重點係佢去埋骨，真係好方便。