鍋心粥底火鍋 (世宙3座) (Closed)

呢日聖誕夜，約左上朋友屋企一齊過，本身都係諗住叫外賣，臨時3-4點嘅時候先至有人話想打邊爐，即刻買料都得，但又好趕咁，始終買完又要洗...之前聽姑仔講過有打邊爐料外賣，即刻試下打去問，有d海鮮都無，話我地唔介意嘅話都可以照落單，本身餐賣哂嘅海鮮比如蟹、龍蝦，佢就話比多份鮑魚、聖子比我地；（圖中嘅蟹係自己另買）都知我地好炆水訂，有得訂已經好好，所以我地都ok,話7點左右可以拎，不過實在太多單，去到都要等多一陣粥底火鍋比左3枝粥水、加一碗粥成個火鍋套餐d野都幾齊；豉油、蔥、蒜都準備好一包包比你；海鮮都幾新鮮，加上幫你洗埋👍🏻不過我地眼闊肚窄，睇落覺得d料唔係話好多，都驚唔夠飽，不過食到最後係ok嘅，夠飽👍🏻最後食埋個粥，粥底嘅南瓜、芋頭粒比漏咗我地，加上朋友睇錯指示，做法錯左，所以我地覺得個粥底一般啫；黎緊新年又有朋友聚餐，到時再挑戰多次，希望食到個鮮甜美味嘅粥底😋