Video
Read full review
2021-04-28
199 views
十二鍋美肌鍋酒香藥膳雞鍋老油條麻辣鴨血牛板腱百葉豆腐雜錦丸拼盤價錢💲: $88/ $88(午市)/ $22/ $38/ $98/ $30/ $42好味程度😋: 3.5/5服務🍴: 3.7/5環境🗾: 3.5/5性價比🥢: 4/5回頭率😚: 3.5/5-正所謂一年四季都要打邊爐，今次去左佐敦食呢個一人一鍋😬幾啱疫情下唔洗同其他人share一鍋，但又可以打到邊爐。佢地都有幾多口味選擇架，今次就試左2款同叫左啲小食配料。-第一個係美肌鍋。湯底用左牛乳做，飲落好滑有奶香，比較淡唔係好鹹😌 雞肉幾多，都滑既。有花膠‼️感覺上補D🥰 索湯的全部都好食，好似娃娃菜、百葉豆腐、枝竹同冬菇。另外仲有一粒花枝丸，口感粉左啲同太軟，不過幾大粒。另一粒係芝士魚豆腐，我平時好中意🤪 呢個鍋啱啲養生中意清淡的女仔🤫 -另一個係酒香藥膳雞鍋。呢個感覺一樣養生，飲落有淡淡酒味帶甜，比起美肌鍋濃小小😌 但入面的配料2個都類似。呢個多左舊米血糕，煙煙韌韌，同台灣的一樣。2鍋入面的菜的份量都好多，加埋蟲草花好健康咁😆 建議大家叫粉絲‼️佢係粗身小小的粉絲，索左啲湯真係好好味😗-另外我地加左老油條。呢個炸得over左小小，有啲太
美肌鍋
酒香藥膳雞鍋
老油條
麻辣鴨血
牛板腱
百葉豆腐
雜錦丸拼盤
價錢💲: $88/ $88(午市)/ $22/ $38/ $98/ $30/ $42
好味程度😋: 3.5/5
服務🍴: 3.7/5
環境🗾: 3.5/5
性價比🥢: 4/5
回頭率😚: 3.5/5
-
正所謂一年四季都要打邊爐，今次去左佐敦食呢個一人一鍋😬幾啱疫情下唔洗同其他人share一鍋，但又可以打到邊爐。佢地都有幾多口味選擇架，今次就試左2款同叫左啲小食配料。
-
第一個係美肌鍋。湯底用左牛乳做，飲落好滑有奶香，比較淡唔係好鹹😌 雞肉幾多，都滑既。有花膠‼️感覺上補D🥰 索湯的全部都好食，好似娃娃菜、百葉豆腐、枝竹同冬菇。另外仲有一粒花枝丸，口感粉左啲同太軟，不過幾大粒。另一粒係芝士魚豆腐，我平時好中意🤪 呢個鍋啱啲養生中意清淡的女仔🤫
-
另一個係酒香藥膳雞鍋。呢個感覺一樣養生，飲落有淡淡酒味帶甜，比起美肌鍋濃小小😌 但入面的配料2個都類似。呢個多左舊米血糕，煙煙韌韌，同台灣的一樣。2鍋入面的菜的份量都好多，加埋蟲草花好健康咁😆 建議大家叫粉絲‼️佢係粗身小小的粉絲，索左啲湯真係好好味😗
-
另外我地加左老油條。呢個炸得over左小小，有啲太油。但要來吸下湯都可以既🤨 另外仲有百葉豆腐，呢個真係超好食，索晒湯好似海綿咁🤩 丸類有款爆汁牛筋丸幾好食，真係有汁同幾濃牛味！至於最貴的牛板腱就正正常常，因為僱瘦所以食落較硬唔重油脂🤔
-
講到我最鍾意的鴨血，呢份麻辣鴨血就一般般啦。口感係滑嫩，但入面未入味🤥 只有好多椒粒灑係面到，所以其實唔會好辣，只係小小麻。嘢飲的檸檬冬瓜茶ok，係甜左小小，等啲冰溶左就好啲。草莓奶雪就有陣人工的草莓味，同埋都唔係好creamy。整體不過不失，可以止到打邊爐的癮，同埋係一個快速食完邊爐的方式，又唔洗諗叫咩食材🤪
Post
