石之牛石板日式料理 (Closed)

鐵板食物一向受歡迎，皆因見到一塊一塊的肉在鐵板上咋咋聲，已經feel到當中的澎湃力量。今晚就約朋友在深水埗行街買平民嘢，順便在這區找食，見到這間食店門面幾吸引，望一望啲價錢都好ok，而且一個餐仲可以任食沙律、湯、飯，所以沒有猶疑便進入去。基本全程是自助形式，先在自助機購買點餐，然後自取湯、飯、沙律，按自己食量來取。選擇方面，有牛、豬、羊、鰻魚等等。《牛小排》：放在石板上的牛小排大概有一成熟，然後按自己喜好的程度去煮，當大概煎到表面變色，就可以返轉另外一面去煎，牛小排的肉軟硬適中，油脂比例恰到好處，放在嘴裏不會太硬，點一些自家製的芥末醬，不會很攻鼻，但有食到芥辣的精彩之處，與牛小排的配搭很好。至於任食的沙律菜、飯、湯，就可以到出邊拎，沙律菜可以按牆上的說明將沙律汁放在沙律內然後搖勻，就可以食得更滋味。豬腩片切得薄，放在石板上煎烤幾下就可以夾來吃，除了芥末醬，亦可點自家製的沙爹醬，是另外一種風味。整體來說，任食綽頭是很吸引，而且食物質素唔錯，價錢又唔高，印象不俗。