紅螞蟻

Open Now

Now Closed

又係旅遊發展局嘅優惠，晚市食滿$350減$200。主餐牌：鐵板牛什（$115）有牛脷（焗牛脷飯嗰啲咸牛脷，軟腍）、牛肚（完全係鹵水牛肚，重五香味，但好大塊）、牛串燒（食唔到牛味，尚算腍唔嚡）、牛仔腸（唔會咬落去咇油，彈牙）、牛扒（又係冇牛味，唔嚡唔韌），份量足，整體味道叫做合格。配菜可選薯條（波浪厚薯條，脆的熱的）/薯蓉/白飯/意粉。醬汁可選燒汁/黑椒汁。晚餐：扒紐西蘭羊鞍扒（$188）包餐湯（忌廉湯）、餐包（丹麥多士）、餐飲。羊鞍有三大件，並不是 french cut，但好在唔太肥，有少少羊騷味，肉質軟腍。煎得剛熟（7成）。整體味道中規中矩。甜品：香蕉船（$52）已經記唔起對上食係幾時了。完全係回憶的味道。一條香蕉開邊，中間放三球三色雪糕（士多啤梨、雲呢拿、朱古力）。味道？預期中的味道囉。呢餐未計加一$355，用優惠減$200後$155，再加一加原價$35.5。最後埋單$190.5。如果呢餐以原價接近$400嚟講，真係有啲貴，但現在$200有找，就可以接受。