Video
Read full review
2023-07-07
14 views
之前因為疫情一路無得去旅行, 就算開返關機票又貴, 呢間以旅行做主題既特式火鍋店就可以比我止下渴先喇, 而且餐廳野食高質又多選擇, 多款牛肉依家仲做緊半價優惠, 非常抵食. 一坐低職員會先送上九宮格醬料 有芝麻醬, 沙茶醬, 辣油, 炸蒜等, 任揀唔嬲. 鮮百合白玉海鮮蟹鍋 $168鍋底非常足料, 大蟹蓋入面仲見到好多蟹黃,蟹身厚肉之餘肉質亦十分鮮甜, 入面仲有好多蜆, 亦都非常新鮮又大粒, 建議湯底既冬瓜可以留到最尾, 等佢吸哂海鮮同其他火鍋料既鮮味之後先食, 非常入味. 手切牛頸脊 $199(折後）因為餐廳依家做緊牛肉類半價優惠, 所以原價要$398既牛頸脊折左之後只係$199, 所以非常之抵. 而且頸脊部位既牛肉味濃, 大概淥10秒已經食得, 非常推薦.新鮮牛舌心 $99(折後）牛舌心可以話係成條牛舌之中最矜貴既部分, 嫩滑無筋, 食落有嚼勁得嚟又非常爽口.加拿大花蚌 $148加拿大桂花蚌入口爽脆彈牙而且非常鮮甜手打墨魚丸 $48(半份)爽口彈牙, 食落唔會好重粉感, 係真材實料XO醬鮑魚鮮蝦餃 $58(半份)又係一個非常推薦既必試之選, 餡料非常飽滿, 咬落去食到粒粒鮑魚肉,
一坐低職員會先送上九宮格醬料 有芝麻醬, 沙茶醬, 辣油, 炸蒜等, 任揀唔嬲.
鮮百合白玉海鮮蟹鍋 $168
鍋底非常足料, 大蟹蓋入面仲見到好多蟹黃,蟹身厚肉之餘肉質亦十分鮮甜, 入面仲有好多蜆, 亦都非常新鮮又大粒, 建議湯底既冬瓜可以留到最尾, 等佢吸哂海鮮同其他火鍋料既鮮味之後先食, 非常入味.
手切牛頸脊 $199(折後）
因為餐廳依家做緊牛肉類半價優惠, 所以原價要$398既牛頸脊折左之後只係$199, 所以非常之抵. 而且頸脊部位既牛肉味濃, 大概淥10秒已經食得, 非常推薦.
新鮮牛舌心 $99(折後）
牛舌心可以話係成條牛舌之中最矜貴既部分, 嫩滑無筋, 食落有嚼勁得嚟又非常爽口.
加拿大花蚌 $148
加拿大桂花蚌入口爽脆彈牙而且非常鮮甜
手打墨魚丸 $48(半份)
爽口彈牙, 食落唔會好重粉感, 係真材實料
XO醬鮑魚鮮蝦餃 $58(半份)
又係一個非常推薦既必試之選, 餡料非常飽滿, 咬落去食到粒粒鮑魚肉, xo醬亦令到粒餃子更加鮮味.
手工即製響鈴 $58
因為係即製響鈴, 所以唔會有油益味, 炸到金黃色, 非常鬆脆.
Post
