牧羊少年咖啡館 (白楊街)

Open Now

Now Closed

素聞牧羊少年咖啡館係一間以旅行為主題嘅cafe，入到去果然發現呢度係別樹一格。見到呢個世界地圖同postcards，真係好想飛一轉。夜晚有時會有live music，不過當晚冇。食物有小食亦有主食，加飲品仲可以半價添！美式小食拼盤（$68）有薯條、薯粒、芝士條同腸仔，全部剛剛炸起。炸薯粒好有小學年代聖誕party大食會果種懷舊feel！肉醬蘑菇貝殼粉（$76）將傳統肉醬pasta由意粉改為貝殼粉，食起上黎更方便。密集辣肉腸恐懼症（$108）好有趣嘅名字，pizza上有滿滿嘅辣肉腸，啱晒辣肉腸愛好者！蘋果蜜桃鮮打綠茶（半價後$20）綠茶味清清地，加上生果，好好飲！