旅鍋火鍋私房菜專門店 (Closed)

尖沙咀嘅旅鍋火鍋私房菜專門店，係以旅行為主題嘅火鍋店，餐廳打扮成機場客運大樓，充滿特色！正值旅鍋嘅周年感謝祭，堂食所有時段全單8折，兼每位送南非鮑魚一隻！南非鮑魚 Free肥大肉厚嘅黑邊鮑，烚5分鐘就食得，肉質爽口而且鮮甜！太極冰火牛豚拼盤 $388一個拼盤有齊A4和牛、本地手切牛、和牛舌、松板玫瑰、極黑豚肉片、伊比利亞豬肋條，賣相漂亮！當中嘅A4和牛極為軟嫩可口，伊比利亞豬肋條爽口多汁，的確唔錯！潮州牛丸牛坑腩鍋 $218先來一個加湯煙霧效果，打個靚卡！充滿牛肉肉甜嘅湯底，內含大量牛丸、牛坑腩、蘿白等！牛丸爆汁可口，牛坑腩肥美嫩滑，湯底實在太足料太好美味，食晒都飽咗一大半，推介！手工炸魚皮 $48酥脆可口，而且份量頗多，夾極都有！雪花面譜啤酒 $38/2支實在太抵飲，冇咩可能唔嗌！