Video
Read full review
2021-07-14
1433 views
好耐無食過燒肉，見呢間牛舞新開又有和牛燒肉又有shabu shabu就諗住試吓，但試完真係無下次。拎飛之後等咗兩個半鐘先有得食，然後明明menu寫住早鳥同宵夜時間係有優惠，但原來試業期間根本係無呢兩個時段嘅😹 好辛苦等到8:45有位入座時佢先講試業閂10點所以唔會食得夠100分鐘😹🥸咁⋯都等咗咁耐都無理由唔食埋佢嘅，但其實佢哋可以整定個牌喺8:00左右痴定出嚟或者叫d staff主動同門口等緊位嘅人講定幾點入座會食唔夠100分鐘，而唔係喺等完有得入座個一個moment先同你講🤷🏻♀️ ✧ 樂天澳洲和牛放題 $𝟛𝟡𝟠 / 𝟙𝟘𝟘 𝕞𝕚𝕟𝕤入到去其實已經無咩心情食，所以連shabu shabu都無試。點咗個樂天澳洲和牛放題，因為話晒澳洲L’grow和牛都係嚟自日本純種黑毛和牛血統所以應該唔差得去邊。點任何燒肉餐都會送一個牛舞拼盤，入面會有份薩摩牛肋肉。試過之後發現薩摩牛好食過L’grow唔少，果然一分錢一分貨。但如果要我畀$658（未計加一）去食嗰個薩摩牛放題就應該唔會了。因為用同樣價錢可以食到更好食嘅和牛燒肉或者其他嘢，加上和牛油脂比較多，所以即使係放題都唔會食到好多因為好快會食滯。另外
好耐無食過燒肉，見呢間牛舞新開又有和牛燒肉又有shabu shabu就諗住試吓，但試完真係無下次。
拎飛之後等咗兩個半鐘先有得食，然後明明menu寫住早鳥同宵夜時間係有優惠，但原來試業期間根本係無呢兩個時段嘅😹 好辛苦等到8:45有位入座時佢先講試業閂10點所以唔會食得夠100分鐘😹🥸咁⋯都等咗咁耐都無理由唔食埋佢嘅，但其實佢哋可以整定個牌喺8:00左右痴定出嚟或者叫d staff主動同門口等緊位嘅人講定幾點入座會食唔夠100分鐘，而唔係喺等完有得入座個一個moment先同你講🤷🏻♀️
✧ 樂天澳洲和牛放題 $𝟛𝟡𝟠 / 𝟙𝟘𝟘 𝕞𝕚𝕟𝕤
入到去其實已經無咩心情食，所以連shabu shabu都無試。點咗個樂天澳洲和牛放題，因為話晒澳洲L’grow和牛都係嚟自日本純種黑毛和牛血統所以應該唔差得去邊。點任何燒肉餐都會送一個牛舞拼盤，入面會有份薩摩牛肋肉。
試過之後發現薩摩牛好食過L’grow唔少，果然一分錢一分貨。但如果要我畀$658（未計加一）去食嗰個薩摩牛放題就應該唔會了。因為用同樣價錢可以食到更好食嘅和牛燒肉或者其他嘢，加上和牛油脂比較多，所以即使係放題都唔會食到好多因為好快會食滯。
另外雖然有天婦羅食但個皮又厚又淋，飯麵嗰d都唔會點因為又係食完會勁快飽，刺身會比較好少少夠新鮮但種類唔多。總括嚟講除咗個薩摩牛之外都無咩可取之處，但個薩摩牛性價比又低⋯所以大家食之前真係要諗吓值唔值得等咁耐～～😹
Post
