Video
Read full review
2022-11-19
1163 views
我同家人星期日去食晚飯，因為周圍都係以工廠大廈或寫字樓為主，假期嘅晚上商場嘅人流好少，餐廳內亦只有3枱客。餐廳用QR code落單，介面有位置可以寫下特別要求，例如不要千島醬。日式燒鰻魚定食 ($92)配炸素蠔、沙律、香菇素湯、白飯/ 燒飯糰第2次食燒鰻魚定食，質素同上次差不多，炸素蠔同燒鰻魚夠香脆，有紫菜嘅香味。安格斯牛肉漢堡 ($78) (含蛋奶)素牛肉質感比較黏同乾，類似未來肉嘅仿肉味道。漢堡入面仲夾住蕃茄、生菜同芝士。漢堡配薯條 (同3條蕃薯條) 同沙律，生菜上淋咗麻醬同放有車厘茄。咖喱吉列豬扒飯 ($68)吉列豬扒嘅外皮超酥脆，咖喱汁微辣，比較重椰汁味，最啱撈飯。米飯應該係用上珍珠米，米粒粒分明帶有煙韌嘅口感，唔會煮得好爛。和風關東煮 ($88) (含蛋)關東煮會配上2片素三文魚刺身。關東煮係以素海鮮為主要食材，包括素魷魚、素魚片、素海參、素魚蛋……。湯底就係燒鰻魚定食嘅香菇素湯，配料仲有玉子豆腐、冬菇、生菜同粟米粒等。個人覺得呢款關東煮偏重素肉製品，缺乏關東煮嘅特色，如果加入白蘿蔔、昆布同蒟蒻等食材去煮就更好。怡保海鮮老鼠粉 ($88)老鼠粉即係銀針粉，幾惹味，食落有花生醬
日式燒鰻魚定食 ($92)
配炸素蠔、沙律、香菇素湯、白飯/ 燒飯糰
第2次食燒鰻魚定食，質素同上次差不多，炸素蠔同燒鰻魚夠香脆，有紫菜嘅香味。
安格斯牛肉漢堡 ($78) (含蛋奶)
素牛肉質感比較黏同乾，類似未來肉嘅仿肉味道。漢堡入面仲夾住蕃茄、生菜同芝士。漢堡配薯條 (同3條蕃薯條) 同沙律，生菜上淋咗麻醬同放有車厘茄。
安格斯牛肉漢堡
31 views
1 likes
0 comments
咖喱吉列豬扒飯 ($68)
吉列豬扒嘅外皮超酥脆，咖喱汁微辣，比較重椰汁味，最啱撈飯。米飯應該係用上珍珠米，米粒粒分明帶有煙韌嘅口感，唔會煮得好爛。
和風關東煮 ($88) (含蛋)
關東煮會配上2片素三文魚刺身。關東煮係以素海鮮為主要食材，包括素魷魚、素魚片、素海參、素魚蛋……。湯底就係燒鰻魚定食嘅香菇素湯，配料仲有玉子豆腐、冬菇、生菜同粟米粒等。個人覺得呢款關東煮偏重素肉製品，缺乏關東煮嘅特色，如果加入白蘿蔔、昆布同蒟蒻等食材去煮就更好。
怡保海鮮老鼠粉 ($88)
老鼠粉即係銀針粉，幾惹味，食落有花生醬、同埋淡淡嘅素蠔油味。配料包括有素蝦、素魷魚、燈籠椒同娃娃菜。
怡保海鮮老鼠粉
42 views
1 likes
0 comments
手工海南雞飯 ($88)
配黃薑飯、香菇素湯
藥饍牛肉薑湯 配擔擔拌麵 ($88)
炸春卷 ($35/ 4件)
Post
