Video
Read full review
2012-08-23
1336 views
一直想試下呢間全港數一數二的義大利餐廳，終於約到個friend呢個星期日中午來試Weekend Brunch，入門已有三人樂隊現場演奏，餐廳裝潢優雅，侊如置身義大利鄉村小鎮，餐桌佈置好有心思，剛坐下靚仔Waiter好主動幫我地放好個bag，唔似上次在另一酒店的義大利餐廳，我想要張椅放bag都話無，要我成晚挨住個袋頂住來坐！ 坐低左，Waiter跟住又serve Sparkling Wine、西柚汁同橙汁，仲係無限添飲，服務真係體貼！跟住佢好詳細介紹半自助式的Brunch包括任食Starter同Dessert，每人半隻龍蝦，一份Pasta，Main course有牛、羊架、Cod Fillet、Seabream Fillet、鴨肝、Pasta，我地揀左澳洲羊架同Seabream Fillet。閒話少說，先去沙律吧，好多頭盤：凍肉cold cut、蜜瓜火腿、煙三文魚、海鮮、凍蝦、蟹腳、魷魚、醃菜、芝士….每款試少少都飽一半咯！仲有即製魚生多士，超好食，連吞兩件！野菌湯同麵包都係都搵唔到要彈的地方！我地試齊兩款Pasta，份量少少，長通粉比較硬，意粉唔錯，仲有半隻龍蝦都
坐低左，Waiter跟住又serve Sparkling Wine、西柚汁同橙汁，仲係無限添飲，服務真係體貼！跟住佢好詳細介紹半自助式的Brunch包括任食Starter同Dessert，每人半隻龍蝦，一份Pasta，Main course有牛、羊架、Cod Fillet、Seabream Fillet、鴨肝、Pasta，我地揀左澳洲羊架同Seabream Fillet。閒話少說，先去沙律吧，好多頭盤：凍肉cold cut、蜜瓜火腿、煙三文魚、海鮮、凍蝦、蟹腳、魷魚、醃菜、芝士….每款試少少都飽一半咯！仲有即製魚生多士，超好食，連吞兩件！野菌湯同麵包都係都搵唔到要彈的地方！
我地試齊兩款Pasta，份量少少，長通粉比較硬，意粉唔錯，仲有半隻龍蝦都是水準之作！主菜上，兩樣都無汁，純以味道取勝，friend的羊架七成熟，唔算好乾，但我唔中意羊，無試！反而我的Seabream好有魚味，無得挑剔！
食鮑飲醉，肚滿腸肥，仲要試埋甜品才叫完滿！係咁易試左幾款：玉桂啤梨仔、檸檬撻、芝士餅、黑白朱古力，仲飲埋意大利咖啡，最後H字頭雪糕都無肚消受了！
埋單：每位$618 + 10%，用指定信用咭有九折優惠，如此餐廳級數、食物質素同服務都係超值，吃得滿足，無得彈！
Post
