牛摩+ (新都城中心二期) (Closed)

呢間日式火鍋店嚟過好多次，原因係有兩款甜品同奶茶都啱我口味，上菜快，種類亦算多。名唔同咗少少，多咗個+，除咗上菜比以前慢咗少少，食物飲品大致無差唔多。我每次揀嘅都係價錢實惠嘅牛肉，又無加一，所以性價比都係幾好。調味及沙律。壽喜燒湯底。我哋揀咗精選牛肉，第一次至第四次Order嘅牛肉分別由上至下，食落差唔多，唔鞋但無咩牛味。豚肉以咁少脂肪嚟講算唔錯。雞件變雞片，每次叫份量都好少，唔鞋但無咬囗無咩味。各類丸。蔬菜種類多而且新鮮。自助汽水，熱飲，沙冰，無獨立裝飲品供應，不同有奶茶我就開心，而啤酒需另加錢。雪糕依然係冰感重。泡芙同菓子都係我鐘意食嘅。