牛摩+ (新都城中心二期) (Closed)

天氣開始凍冰冰，最好就係收工即去烚烚下🤭，夠晒溫暖😜將軍澳新都城二期有一間日式火鍋餐廳，無論湯底到食材都質素好，而牛肉SRF係任食😍鍾意打邊爐嘅朋友真的不要錯過😋美食推介：💛湯底：壽喜燒及沙嗲湯底，沙嗲湯底非常香濃，而壽喜燒湯底依舊傳統甜甜的，配上牛肉，無得輸呀😋💛海鮮：帶子、蝦，非常鮮甜彈牙👍🏻👍🏻💛豚肉：豬肉片肉質非常嫩，好食👍🏻💛SRF 美國和牛：牛味濃，非常之肉嫩👍🏻💛火鍋材料丸：一整個雪櫃上放滿不同得丸類任你夾，正呀👍🏻👍🏻💛蔬菜：有獨立雪櫃任你選菜，喜歡食幾多就可以拎幾多，款式都非常多👍🏻💛甜品：是晚有朱古力味道雪糕，朱古力味香濃，不太甜，打完邊爐食一杯凍冰冰好舒服👍🏻💛飲品：各款汽水飲品，自由斟，應有盡有，但我每次打邊爐一定要配可樂先夠爽呀👍🏻*任飲任食，價錢抵食👍🏻

同媽子留肚去食牛摩當下午茶加晚餐（因為唔想夜晚食太飽 會好肥）覺得真係一個好聰明嘅決定😎😎下午茶時間人唔多～餐廳上餐非常快～ 自取食物又冇人爭好乾淨好整齊記得上完第一碟牛，媽子個反應係好驚喜不停咁話「啲牛好靚呀！」雖然我係叫牛板腱套餐，除咗好多款唔同嘅牛肉，都有其他肉食（呢度只係cap咗一部份🤭🤭）（豚肉個味道都好好）（雞肉就好滑身💕💕）（唔小心變咗食肉獸）烚完出嚟都係好靚不過就唔係最Juicy嘅嗰一款比起牛板腱，我覺得牛肩肉更加好味😛😛有牛味同埋比較淋身😏同場加映仲有各式各樣嘅甜品同飲品見到有熱飲機、沙冰同埋汽水當然我冇胃口食咁多嘢啦～🤗🤗啲quota留返俾火鍋我只係食咗兩杯低脂北海道乳酪雪糕真係好開胃 打完邊爐食返杯真係舒服晒！每人都唔使$200埋單我覺得好抵😛質素唔錯👍🏽

凍凍地想打邊爐，近近地去左新都城間牛魔食放題，用下果個每月任食$999 E-Pass優惠，因為呢個美國IBP件板腱只需加$39。呢間放題間中都會食，佢既牛質素好高，而且其他配菜比之前有更多選擇。今次揀左美國IBP 牛板腱套餐。牛板腱同肩胛位都屬於脂肪少既部位，唔係sell嫩滑，但我鍾意佢夠肉味同彈性，食多兩碟都唔怕肥，瘦身／增肌人仕啱晒。另外牛舌同羊肉都值得一再encore. 自取區有蔬菜/菇菌類/丸/麵/沙律，擺放都乾淨衞生。除此之外，QR code落單仲有好多小食，個人推介必點有牛摩飯、溫泉蛋、青口、帆立貝、魷魚仔、迷你甜薯同炸餃子。炸物特別出色，夠熱夠脆又唔油。甜品必食一定係自助乳酪味雪糕。值得再一提係牛摩較早前有個好抵既優惠，唔洗1千可以1個月內任食牛板腱餐放題，仲可以每次按需要加錢升級更高等級放題，夠晒彈性，同行朋友仲有折扣優惠，抵到爛。無論食量如何，食5次已經回本。不過唔知12月會唔會再出，一出必買，買到賺到。當日所見，都幾受大食既學生哥歡迎。

冬天啱晒打邊爐，今次揀咗美洲藍帶上品牛肌腹。餐廳入邊放咗好多唔同種類嘅蔬菜、飲品同埋雪糕甜品等等。先嚟兩碟肉，一碟牛肌腹同埋豬肉。牛肉唔會太肥，有肉味，而豬都好食，濃濃嘅肉香。蔬菜類，夾咗羽衣甘藍、莧菜、金菇、雞髀菇、香茹、粟米、魔芋等等。全部都好新鮮，唔單止可以點肉類，仲可以食好多唔同嘅蔬菜。丸類都好多款，試咗蟹粉丸、墨汁墨魚丸、豬肉丸、芝士豆腐、蜂巢豆腐…… 特別推介墨汁墨魚丸，黑蚊蚊好特別，有墨魚香味，同埋有啲墨魚粒，成粒好彈牙好味。最後食埋最愛嘅薯粉，同埋甜品雪糕。雪糕有低脂乳酪同朱古力味，朱古力係好濃郁嘅朱古力香，上面加埋朱古力粒同埋迷你棉花糖，飲埋杯熱綠茶，啱晒！

天氣轉涼 最適合shabu shabu🐥🐥🐥今日去咗牛摩士佢哋嘅一人一鍋放題PRIME 美國頂級牛肩 90分鐘任食放題湯底我哋揀咗 👉🏻博多豚骨濃湯 👉🏻昆布鰹魚清湯餐牌上有寫依啲俾我地free orderPRIME美國頂級牛肩/ 特選美國 牛肩胛/IBP牛板腱/ 黑豚肉/ 豚肉/ 雞肉 / 羊卷肉/半殼青口 / 魷魚仔/帆立貝 /鴨血 / 黃金花枝棗 / 温泉蛋 / 牛摩飯/ 温泉蛋牛摩飯/(枝豆 / 味噜青瓜 /迷你甜薯 / 炸日式餃子 / 炸雞塊 (芥末沙律醬)/ 炸薯角)然後自助吧 仲有啲蔬菜/公仔麵/soba/丸/玉子/etc甜品就有3. 6牛乳軟雪糕/泡芙/西式糕點/etc個人覺得普通牛肩食落去比起頂級嘅好似更加 嫩滑😂 然後雞肉都好好食 👍🏻👍🏻👍🏻然後溫泉蛋我都係無限添食 數下數下好似已經撈咗四五隻蛋 😂👍🏻👍🏻👍🏻認真個牛乳雪糕嘅牛乳味幾濃， 已經食到好飽仲食到兩杯😂大滿足🐥🐥🐥

🎟️買左 $999 E-PASS，梗係把握機會一有時間就去，其實平均食5餐都翻本，宜家食野咁貴，用呢張e-pass 幾抵玩🤩呢張pass 係平日8點後可用，就可以食到特選美國牛肩胛火鍋放題🫕🥩每加$39 升1級，如果果晚想多食美國IBP牛板腱、美國牛小排、和牛等，就可以加錢享用，自由升級夠晒彈性，亦岩晒做開運動既人剩係想食POTEIN🤼‍♀️🤾 同埋同行朋友仲有85折~做完gym 入黎坐下，抵哂啦🙈🙈今日先食基本既牛肩胛放題，湯底選左豬骨濃湯、蟲草花雞白湯，夠清澈、又有少少蟲草返味，可以享受到牛肉既鮮味🙈🙉❤️特級美國牛肩胛好紅潤，簿簿一塊烚一烚十秒到已經食得，打邊爐真係好正，一塊又一塊 好似平時睇戲睇波食薯片咁😂😂除左牛，仲有雞肉豚肉🐣🐷出邊都有其他配菜，有肉有菜夠晒均衡🥦跟住仲有雪糕、甜品、壽司、小食前菜🍰🍦👍

成日經過牛摩都冇機會入去試，今日特別肚餓就決定同朋友入去大吃特吃。座位寬敞冷氣夠凍呢啲就唔洗講啦，佢哋啲食物種類真係多到食都食唔晒，仲要啲肉全部都好高質，食完一次之後我諗都冇諗就買咗佢哋個E-PASS（$999）！強烈推薦鍾意食火鍋嘅朋友買呢個$999嘅E-PASS，因為真係好抵食，平均每日$45就可以食到特選美國牛肩胛，食五次就回到本，鍾意食火鍋嘅朋友冇可能回唔到本啦，加多＄39就可以升級美國IBP牛板腱，得閒獎勵吓自己都得！亦都啱晒做開運動剩係食protein嘅朋友，除咗肉仲有菜，營養均衡，想練大隻都啱食。（捉埋朋友嚟食仲有85折，真係諗唔到藉口唔買）除咗豬牛豬海鮮放題，仲包埋唔同小食，自助吧仲有丸類、麵、菜任食。更加估唔到嘅係竟然有芒果沙冰同提子沙冰任飲，亦都有其他凍熱飲品提供，一定有款啱飲。食飽之後食埋個朱古力雪糕同蛋糕就啱啱好！超級豐富嘅一餐，食一次根本試唔晒啲所有食物，買咗E-PASS之後一定成日嚟食！

最近朋友們都興起健身及養生的熱潮，經過新都城商場發現了一間抵食火鍋店，餐牌寫著$999便可購買E-PASS放題🎖️一個月內無限時任食火鍋🍲，更可以加多$39升級享用美國的IBP牛板腱，火鍋更提供均衡有營養的食物，非常適合需要長期攝取鮮肉類和蔬菜類的健身人士🏋️。當天我在放工時段6點後，健完身大約8點，為了省卻時間及怕麻煩而不想煮飯仔，便購買E-PASS放題到牛摩入座試試看，放題讓客人自行選擇食用時間，計算過後，平均一個月吃五餐以上便可以回本，靈活的模式很適合一眾上班族～店員更提醒我購買E-PASS後在店內食用，同行朋友更額外有85折，將來可以相約朋友👫齊齊吃牛啦🥩🥩店內環境光亮寬敞，分為蔬菜區、自助醬料區、甜品區有雪糕🍦、蛋糕、泡芙等，飲品區有冷熱飲品，汽水、沙冰、咖啡☕️、朱古力、熱茶等均齊全。竟然有三文魚壽司，不多的火鍋店提供壽司🍣我點了美國IBP牛板腱，肉質鮮嫩紅潤，充滿牛脂的油香，口感彈牙爽脆。另外，套餐更包括鴨血、特還美國牛肩胛、半殼青口、魷魚仔、牛舌、帆立貝、羊卷肉、及豚肉等等，非常多種類的肉類及海鮮🦑當中令我讚嘆的是新鮮溫泉蛋，打開蛋白後看到橙紅色滑溜的蛋漿，配上鮮美多汁的肥牛

買咗$999 e-pass，平日8點後就可以嚟食火鍋放題。如果嗰日想再食好啲，加 $39 可以升1級肉，夠晒彈性。任食真係好抵！平日食足成個月🤣一定回本🙈 有時想約朋友食飯，朋友冇買e-pass，都可以有八五折優惠！基本套餐肉類包括美國牛肩胛、羊卷肉、豚肉、雞肉任食。牛魔飯、黃金花枝棗都係任食。自助區出邊仲有多款火鍋配料，丸類、蔬菜、麵類等等。日日嚟食有菜有肉，夠均衡，一定夠飽！就算做開運動的人剩係想食蛋白質又係一個好選擇。出邊仲有多款飲品任飲，仲有壽司、甜品等。真係好豐富！嗰日仲食埋杯乳酪雪糕，yummy!

前排去完位於調景嶺嘅牛肉火鍋店「牛摩」食火鍋放題後一直念念不忘，咁啱呢晚同女朋友黎寶琳嘅新都城二期行街見到原來呢度都有分店，梗係試下啦！餐廳位於新都城二期商場入面，地鐵站A2出口直達，非常方便。呢度店員服務態度殷勤，用餐環境企理。同調景嶺分店一樣，呢度都有個自助火鍋料區域同醬料區，我地可以自己調醬料同埋夾丸類、菜類、菇類、豆腐、麵等，火鍋配料選擇好多元化。另外，店員亦會提供個QR CODE落單，可以追加肉類、order小食、海鮮等，非常方便。俾大家睇下賣相好吸引嘅「牛摩飯」：湯底選擇頗多，我同女朋友就order左「關東風壽喜燒」同埋「沙爹湯」。食物方面，我要讚一讚我地當晚食嘅「美國特選牛肩胛」牛肩胛脂肪分布均勻，牛味非常重，而且唔會切得太厚或者太薄。除左牛肩胛之外，亦可以無限encore海鮮、羊卷肉、雞腿肉、豚肉等。女朋友同我都覺得啲魷魚同埋扇貝好彈牙好新鮮！飲品方面，呢度有部自助汽水機同埋咖啡機，大家可以自由選擇飲品。

牛魔我嚟喇店長大叔好好，佢畀咗張一人一鍋的四人枱畀我哋。健康蕃茄薯仔湯惹味濃口沙嗲湯清清地嘅豬骨湯阿仔至愛壽喜燒甜甜豉油湯, 隨湯底仲有生雞蛋，用來製作溏心蛋一流。我哋係叫最平嘅牛豬雞基本餐。成人星期六加了$10都係$199小童$145星期六$10,即$155而家任飲任食仲有一字頭真係唔易搵。黎牛摩點可以唔食牛肉先，不過牛肉太瘦了我哋食咗一碟就冇再叫。豬腩片正常反而羊卷肉有驚喜 基本上我哋呢一餐係勁叫羊卷肉好淋好滑 值得一叫再叫醬料區要有的都有，韓國辣醬和柚子醋是老公的至愛羽衣甘藍外面買好貴所以我哋食咗幾大盤，值回票價甜品區選擇唔算多，但小童都好滿足， 蘿蔔神啫哩滿載童年回憶飲品區汽水任揀，不過提子沙冰就好似吹波膠巨峰提子味試唔試請自己決定。冇影到相仲有軟雪糕食好開心。cp值再提升大攻略 -我哋當晚係用咗商場夜繽紛優惠八點後入座仲平咗100蚊。之後發現有個方法仲抵，我哋下次再試，就係我哋入咗會做會員，然後一個印花可以換到一個小童免費。

今晚入咗將軍澳探朋友仔，佢提議去新都城「牛摩」食放題打邊爐，啱晒我地2個食肉獸😆我地揀咗最平嗰個美國牛肩胛，成人晚市都只係$198非常抵食👍🏻湯底就揀咗沙嗲湯平蟲草花雞白湯，沙嗲湯底夠晒濃味，食到最尾加返個烏冬真係prefect🉐美國牛肩胛肉質屬於偏瘦但有肉味又有咬口，絕對唔使擔心最平嗰個餐啲肉就會變到好差，之前食過其他放題全部都係肥肉，呢度啱晒鍾意食肉但又怕肥嘅我地😛豚肉肉質爽口帶點脂肪，但食落一啲都唔會覺得油膩，配上芝麻醬味道一絕自助配菜區種類有好多，有唔同嘅丸類、蔬菜同主食，我地order佢地嘅牛摩飯，上面加咗紫菜碎，肉醬味道甜甜地，不經已就食晒成碗飯😂墨魚丸、蟹籽丸、芝心丸、白魚蛋、貢丸、包心丸、魚蛋豆腐、芝士魚腐、獅子狗、芝士腸金菇、雞髀菇、粟米、南瓜、豆卜、芋頭、翠玉瓜、冬瓜、蘿蔔、冬菇、芋絲娃娃菜、椰菜、生菜、油麥菜自助沙律吧呢度仲有自助沙律吧，可以根據自己嘅口味配搭沙律，有蕃茄仔、吞拿魚、粟米、沙律菜、菠蘿、豆角、味付螺肉、中華沙律最後梗係要食返個甜品收尾，我食咗原味乳酪同朱古力味乳酪，可以自行加入朱古力碎、棉花糖、粟米片等等，今日又係食到超級滿足嘅一餐😋📍牛摩+ (新

天氣涼涼哋，除咗係時候食臘味之外，就係令人想打邊爐啦🤪自從商場另一間火鍋店執笠後，想搵一間平價之選，或者食好少少嘅，都唔係冇選擇嘅，但另一間就再貴啲。所以，揀嚟揀去，最後都係返咗嚟呢間。可能因為好耐冇食嘅緣故，今次見到多咗唔同嘅promotion，因為老公鍾意食牛，最近返工又辛苦，所以都係食好少少啦！我哋最後選咗「美國頂級牛肩」，見佢有小食及海鮮，感覺上應該會開心啲。我哋本着睇吓有咩分別嘅心態試依個餐，點知發現原來真係一分錢一分貨，prime beef食落又真係有牛肉味多啲喎！相對其他平價嘅餐，又真係好食啲！老公食完後仲話：死啦，下次唔會想食返其他平價牛肉添⋯⋯😅

晚餐想食餐好啲，去咗將軍澳牛摩食任食火鍋😛🔸美國和牛放題火鍋呢個餐岩哂食肉獸😍一坐低五分鐘内職員就送上湯底同美國和牛呢個餐主打係⭐️ 美國和牛和牛油花好靚，肉質嫩滑☺️厚度適中，唔會好似有啲放題店咁切到好薄肉類方邊重有豬雞羊海鮮有海蝦🦐，魷魚仔🦑，帆立貝，青口自助區有各種火鍋配料，蔬菜🥬🍅，丸類，野飲🥤，甜品🍰🍦款式都幾多，好吸引👍🏻蔬菜好新鮮，職員refill 火鍋配料既速度都好快👍🏻湯底叫咗鰹魚湯同壽喜燒兩個湯底都好清甜，唔會好油，好健康既感覺☺️湯底唔會過濃，唔會搶咗其他火鍋料嘅味道值得一讚既係呢到既服務好好👍🏻 職員會主動加湯同收空碟用QR code落單既肉類都好快送到所以90分鐘放題一定足夠食飽，重會食得好滿足☺️

特選美國牛肩胛放題 $179（未加一）* 湯底有6款選擇，我和朋友選了「蟲草花雞白湯」和「沙嗲湯底」。「蟲草花雞白湯」好適合飲食較健康、喜歡吃清少少嘅朋友，唔肥膩，湯底清甜；而「沙爹湯底」就適合口味較重嘅人，沙嗲好香花生醬味、好香！* 美國牛肩胛切得夠薄片，雖未至於入口即溶，但牛味頗香，下次會想嘗試美國或日本和牛😋* 食物種類夠多，蔬菜有好多款，仲有沙律bar，唔鍾意食肉嘅朋友仔都會有好多嘢啱食。可以試下特色韓國餃子、蕎麥麵、軟雪糕、泡芙、小Brownie、小芝麻蛋糕！* 醬料選擇唔少，除咗有蒜蓉、炸蒜、辣、芫荽，仲有辣醬、麻醬。不過佢提供嘅匙羹比較大，大家夾辣椒嘅時候要小心唔好一次拎太多啊～* 飲品有多款汽水選擇，最驚喜係有芒果同提子沙冰🍧，仲有雀巢咖啡機。總括嚟講，唔使$200有牛肉放題，CP值超高👍住將軍澳嘅朋友仔可以一試。