滿福樓

Open Now

Now Closed

今次再次光臨滿福樓，又可以細味豐富美食。滿福樓經常爆滿，想品嚐到獲奬無數的得獎菜式，就一定要預早訂位。每一道菜色都係精心炮製，完全可以感受到大廚用心製作，色香味俱全。每一個細節都可以睇到出，連餐具都唔係普通貨色，用上NARUMI 骨瓷的餐具。一杯一碟都見到敦煌飛天的美態。今次有八道菜，包括：乳豬件配胡麻冰菜，作為頭盆的冰菜好清新丶醒胃，冰菜好爽脆，乳豬大小適中，皮脆肉嫩。原個椰皇鮑魚灌湯包，未放低已經聞到陣陣椰皇香味，湯相當清甜，材料十足，賣相精緻。風味金榜明蝦球，呢個都算係必食推介，用多種香料製成嘅醬汁配上爽口彈牙嘅蝦球，旁邊的炸饅頭一定要沾上醬汁黎食。紅燒脆皮乳鴿，肉質鮮嫩。羊肚菌素菜卷，賣相精緻，好似一對翼咁。台山焗釀豆腐，裡面有鹹蛋粒丶肉碎丶豆腐，全部加埋一齊都幾好味。銀芽蟹肉燴伊麵，蟹肉好多，好味。甜品方面，我揀左椰子雪糕，有涼粉喺雪糕下面，好香椰子味。每一位職員都好有禮貌，服務態度好，專業精神，令每一位客人都感受到賓至如歸。特別鳴謝Edward細心嘅招待。