Video
Read full review
2014-09-06
9578 views
4-9係女朋友生日，久聞AVA的玫瑰雪糕有令女性神魂顛倒之效，決意給女友一個驚喜！先講環境，無錯係有無敵海景，但係我同隔離枱只有一個身位，隔離對日本情侶講咩我都完全聽到，然後送禮物時候又要一齊送勁尷尬，如果唔係就仲尷尬。仲少不免會有禮物之間的比較，有少少分心都唔好啦，點解餐廳連呢少少野都關顧唔到？到食物，菜單除左set dinner外根本選擇不多，一張紙的menu絕不吸引，唯有揀一人一個8個course的set。頭盆先黎一個桌邊烹調的煙燻慢煮海鱸伴牛油果沙律及芒果凍。好地地一塊海鱸整到又咸又腥又硬，一d都唔鮮甜，煙燻味過濃，失敗。芒果凍用現成芒果汁加魚膠粉整成，好難食。然後到紅蝦帶子海鮮湯。海鮮鮮甜，但係個湯一個字：「腥」明顯係後期加海鮮分開煮。然後再到黑魚子伴意大利飯。一黎到碟飯成碟肉餅咁已經麻麻地開胃，個飯同魚子仲要完全唔match!再來一個自家製意粉。麵質彈牙，味道真係唔好講笑，飛機餐咁，無味！然後係一個雜菜沙律伴橙，就係菜同橙囉。之後同主菜牛柳。好食！肉味濃郁又juicy！只係個青瓜又係唔夾的。最後就係重頭戲玫瑰雪糕！作為桌邊項目，廚師就好似魔術師一樣將液態氮氣倒入奶漿，凝成雪
先講環境，無錯係有無敵海景，但係我同隔離枱只有一個身位，隔離對日本情侶講咩我都完全聽到，然後送禮物時候又要一齊送勁尷尬，如果唔係就仲尷尬。仲少不免會有禮物之間的比較，有少少分心都唔好啦，點解餐廳連呢少少野都關顧唔到？
到食物，
菜單除左set dinner外根本選擇不多，一張紙的menu絕不吸引，唯有揀一人一個8個course的set。
頭盆先黎一個桌邊烹調的煙燻慢煮海鱸伴牛油果沙律及芒果凍。
好地地一塊海鱸整到又咸又腥又硬，一d都唔鮮甜，煙燻味過濃，失敗。
芒果凍用現成芒果汁加魚膠粉整成，好難食。
然後到紅蝦帶子海鮮湯。海鮮鮮甜，但係個湯一個字：「腥」明顯係後期加海鮮分開煮。
然後再到黑魚子伴意大利飯。一黎到碟飯成碟肉餅咁已經麻麻地開胃，個飯同魚子仲要完全唔match!
再來一個自家製意粉。麵質彈牙，味道真係唔好講笑，飛機餐咁，無味！
然後係一個雜菜沙律伴橙，就係菜同橙囉。
之後同主菜牛柳。好食！肉味濃郁又juicy！只係個青瓜又係唔夾的。
最後就係重頭戲玫瑰雪糕！作為桌邊項目，廚師就好似魔術師一樣將液態氮氣倒入奶漿，凝成雪糕。
然後再將食用玫瑰花瓣片片灑落雪糕上。
整個過程看得我女友心花怒放，挽回不少分數！
Other Info. :
後記：中間仲有個開心果配鵝肝醬，相都廢事影。
另外由於得set嘅關係，隔離上乜我地又跟住上乜，連生日蛋糕都一樣，真係無哂驚喜！
仲要成900蚊一個人！完全無安排！
(The above review is the personal opinion of a user which does not represent OpenRice's point of view.)
Post
