Uptop Bistro and Bar (Closed)

是晚幾位朋友安排的生日飯，好彩大家都近尖沙咀返工，好早就到左餐廳。餐廳位置一間新開酒店的頂層，要google map下才找到，但私隱度極高hahaa.餐廳唔算大，裝修都幾modern. 慶祝生日必須開左返支house wine準備開餐。先來一袋面包，有黑炭包同法包選擇，個面包袋幾得意，可以保持面包温度，仲有黑松露油牛油，好好味！頭盘係青瓜同黎麦沙律，好新鮮醒胃，好似有d牛油果調味。賣相同味道都不錯。個好好服務嘅經理推介拿手菜式係uptop chicken, 果然有返甘上下。皮脆肉滑，仲有好有口感的紫蕃薯溶同菜溶。味覺同視覺都超滿足！食完飯準備叫切蛋糕，好好人經理推介天台享受美景同埋切蛋糕，好似幾吸引，上去望一望！嘩！超級驚喜。原來上面仲有露天梳化位同無敵靚景，即刻移師上黎切蛋糕。由於當晚天色極好，仲可以望到星星。壽星女切蛋糕再飯返杯高興到不得了，坐多左成個幾鐘先肯走。整體用餐體驗十分開心滿意。