自助山

Open Now

Now Closed

對上一次黎旋轉餐廳已經係兒時回憶, 時隔二十幾年再黎食, 重新感受一邊享受美食, 一邊欣賞360度無敵靚景既體驗! 食物選擇相當豐富, 開餐之前除左影風景, 更加忍唔住繞場一周, 影曬咁多種食物! 放開肚皮幾乎食勻曬所有菜式, 飽到傻, 比起冷盤區既帶子, 我更推薦刺身區既帶子, 更加鮮甜; 而比起冷盤區既龍蝦, 我亦更推薦烤出黎既芝士龍蝦, 燒烤部同場加映既燒宮崎牛亦相當有肉味, 值得Encore! 中餐部個中湯必飲! 比起鮑魚, 個炆大花菇更加香濃, 鮑魚食返日式區果個磯燒鮑魚仲正, 去到甜品其實已經飽到無咩空間再食, 不過都試左D, 款式太多試唔曬! 有機會既話下次再試!