榮興小廚 (Moved) New Location

虎視眈眈了很久的榮興今日終於有緣一試 八時多的黃金時段, 絕對是插針都插唔入還算有的彩數的晚上, 無訂位又唔使等都有張四人枱交來 點菜時看到鄰枱的食物, 份量唔小, 所以只點了一雞一煲 薑蔥蒸油雞 (半隻) : 蔥油雞有早已估清, 就以薑蔥蒸油雞頂上,薑蔥夠多而且件頭頗大 (肥大肉厚), 半隻也足夠兩人細味, 雞味和肉質雖不及走地雞, 但油雞出名夠油潤, 肉味也尚算不俗啊。 雜菜海鮮煲: 呢個有點出事, 沙窩上枱當然無事, 出事在海鮮, 所謂的海鮮每樣只有約兩件, 而且鮮味不足, 湯底是清湯, 墊底的蔬菜和粉絲等共佔了全煲的三分二, 其中以生菜最多, 淡而無味真是食到口寡寡。紅豆沙: 紅豆腍糯起沙, 甜度剛好, 一碗真係唔夠喉。總結: 賽後檢討也番看過其他食家的食評, 下次開飯目標明確。