Video
Read full review
2016-01-19
246 views
今日放假就同朋友去到觀塘睇戲，睇完戲就就周圍行下睇下有咩好食，就發現呢間「老友粉」，見佢個店名改得咁有趣，所以就入去食個究竟！順便醫下個肚仔～.門口用粉紅色招牌黎吸引顧客，招牌搶眼有趣，所以我就被引進店內haha....阿桂老友粉既環境簡單， 尚算寬闊， 毫無擠迫既感覺地版潔淨又潔白，周圍都好乾淨檯面夠放一碗麵，兩樣小食，可以輕鬆進食，唔洗就住就住，而椅子比較軟身，坐得耐都唔會唔舒服，唔錯！. - 麻辣雞軟骨（少辣）；個人覺得呢個雞軟骨好高質，外脆已經不在話下，但估唔到d軟骨唔洗點用牙力就可輕鬆咀嚼，而且味道亦非常好，雖經油炸，但毫無油膩既味道，配上香料，少少咸+少少辣！ 口感又好 ， 好味！. - 生煎餃子（豬肉餃）；熱辣辣送上既一道配菜，香脆既咬感，咬開外皮會有小小豬油溢出，令到隻餃又香又鮮甜，豬肉一咬就碎，一啖半隻～啖啖都係滋味！ 而且外觀又吸引，加上餃子都幾大隻，食完都幾有飽感，抵食！. - 阿桂自由配（肥牛+醬汁豚肉）；碗麵非常大碗，以約$35黎講十分抵食～個湯底係豬骨味，配上蕃茄數片，令個湯底有一定程度既蕃茄味，更加鮮甜。陽春麵底，口感類似硬身d既米線，口感幾實在，唔
就發現呢間「老友粉」，見佢個店名改得咁有趣，所以就入去食個究竟！
順便醫下個肚仔～
.
門口用粉紅色招牌黎吸引顧客，招牌搶眼有趣，所以我就被引進店內
haha...
.
阿桂老友粉既環境簡單， 尚算寬闊， 毫無擠迫既感覺地版潔淨又潔白，周圍都好乾淨
檯面夠放一碗麵，兩樣小食，可以輕鬆進食，唔洗就住就住，
而椅子比較軟身，坐得耐都唔會唔舒服，
唔錯！
.
- 麻辣雞軟骨（少辣）；個人覺得呢個雞軟骨好高質，
外脆已經不在話下，但估唔到d軟骨唔洗點用牙力就可輕鬆咀嚼，
而且味道亦非常好，雖經油炸，但毫無油膩既味道，
配上香料，少少咸+少少辣！ 口感又好 ， 好味！
.
- 生煎餃子（豬肉餃）；熱辣辣送上既一道配菜，
香脆既咬感，咬開外皮會有小小豬油溢出，
令到隻餃又香又鮮甜，豬肉一咬就碎，一啖半隻～
啖啖都係滋味！ 而且外觀又吸引，
加上餃子都幾大隻，食完都幾有飽感，抵食！
.
- 阿桂自由配（肥牛+醬汁豚肉）；碗麵非常大碗，以約$35黎講十分抵食～
個湯底係豬骨味，配上蕃茄數片，令個湯底有一定程度既蕃茄味，更加鮮甜。
陽春麵底，口感類似硬身d既米線，口感幾實在，唔錯！
醬汁豚肉都幾濃味，就算浸左落個湯底道，都食到個醬汁味，甜甜地類似燒汁，
肥牛薄薄地幾軟幾易入口，
成碗麵性價比都幾高 good!
.
- 招牌老友粉；湯底酸酸地，以開胃為主，飲落去都係酸酸地，帶有好微好微既辣味，暖身開胃，
麵底係蓮藕粉，軟身得黎小小韌，咀嚼兩三下先斷，口感幾有趣，
裡面有炸醬，炸菜，蕃茄去令湯底味道更多元化，
仲有豬肉做碗麵既主菜，好味得黎又夠飽，
.
整體而言，「老友粉」既膳食又平又好味，仲要非常飽，
無論早午晚大家都可以黎食，抵食！
Post
