亞泰

Open Now

Now Closed

跟同事喺日出康城做完嘢，肚仔餓，行過見到有間亞泰嘅泰國餐廳，裝修雅緻，就急不及待走入去，幸運地，剛好有卡位，可以舒舒服服食餐晚飯。見餐廳有一個二人套餐，基本上都有我哋想食嘅嘢，咁就二話不說，點了一個。套餐嘅頭盤，是泰式小食拼盤，包括有炸蝦餅、素春卷和煎魚餅，一上碟熱騰騰，熱氣徐徐升起，點上酸酸甜甜的泰式醬，好滿足。黎到泰國餐館，當然就要飲番個大頭蝦冬陰功湯啦，湯味濃郁唔太辣，一人半隻大頭蝦，好開胃。主菜方面，我們想揀個特別啲嘅，就點了招牌蛋咖喱蟹肉枕頭包，滑蛋配上蟹肉，鮮鮮甜甜，同脆脆嘅麵包夾埋一齊，又是另一番風味。再加上我哋加點嘅龍蝦湯河，食到呢度都開始飽飽了。二人套餐飲品做緊優惠買一送一，我要一個龍眼冰，朋友要一個菠蘿沙冰，最後加上兩個雪糕，我哋都要捧住個肚走，大滿足。