Video
Read full review
2023-09-23
1176 views
位於灣仔主打日式串燒嘅居酒屋。裝潢以木系為主調，甚有和風味。大廳有大約20個吧枱座位，另設一間約8人嘅VIP房。店員都會介紹菜式特色，服務態度（同速度）都值得一讚🙌🏻今日同朋友一行四人黎到，品嚐左二十多款菜式，非常滿足🥰特別推介以下❣️✨日本A4和牛刺身 - 入口軟淋，牛脂味甘香，可配上豉油或韓式辣醬似嘅秘製醬汁✨日本鬼爪螺 - 我係第一次食😆逐粒螺肉搣出黎，juicy到爆汁，好鮮甜。可蘸上銀雪魚豉油（超正❣️）/柚子醋/味噌醋✨關東大根天婦羅 - 外層脆身唔厚粉，內裡大根超甜超多汁，好好味✨Hoso special - 日本主廚Hoso San窩心推出嘅時令漬物，每日會有唔同款✨燻製帆立貝 - 先以蘋果木燻製厚身帆立貝，再備長炭加炙表面，再加上紫菜碎，香氣十足✨提燈 - 結合雞卵巢及未成熟雞蛋。口感也非常特別，蛋黃香極濃。這個部位非常少有，唔係成日食到架✨青提豚肉卷 - 四季都有水果菜式。清甜多汁嘅青提平衡左豚肉嘅膩✨ 免治雞肉串 - 常見菜式，但呢度表面塗上一層松露油，特別香口✨ 厚揚豆腐 - 先炸後燒，外脆內軟。加上木魚碎同燒汁，好味✨芝士蟹蓋配紅菜頭薯蓉 - 蟹肉配上炙燒芝士好吸引
店員都會介紹菜式特色，服務態度（同速度）都值得一讚🙌🏻
今日同朋友一行四人黎到，品嚐左二十多款菜式，非常滿足🥰
特別推介以下❣️
✨日本A4和牛刺身 - 入口軟淋，牛脂味甘香，可配上豉油或韓式辣醬似嘅秘製醬汁
✨日本鬼爪螺 - 我係第一次食😆逐粒螺肉搣出黎，juicy到爆汁，好鮮甜。可蘸上銀雪魚豉油（超正❣️）/柚子醋/味噌醋
✨關東大根天婦羅 - 外層脆身唔厚粉，內裡大根超甜超多汁，好好味
✨Hoso special - 日本主廚Hoso San窩心推出嘅時令漬物，每日會有唔同款
✨燻製帆立貝 - 先以蘋果木燻製厚身帆立貝，再備長炭加炙表面，再加上紫菜碎，香氣十足
✨提燈 - 結合雞卵巢及未成熟雞蛋。口感也非常特別，蛋黃香極濃。這個部位非常少有，唔係成日食到架
✨青提豚肉卷 - 四季都有水果菜式。清甜多汁嘅青提平衡左豚肉嘅膩
✨ 免治雞肉串 - 常見菜式，但呢度表面塗上一層松露油，特別香口
✨ 厚揚豆腐 - 先炸後燒，外脆內軟。加上木魚碎同燒汁，好味
✨芝士蟹蓋配紅菜頭薯蓉 - 蟹肉配上炙燒芝士好吸引。以紅菜頭製成薯蓉大大減少草青味，又幾好食
✨熟成手羽先雞翼 - 熟成雞寧舍鮮嫩多汁，外皮烤得脆身有焦香
當晚仲試左以下款式，好多都好好食：
柚子鹿兒島豚肉/田樂茄子/雞脾肉/雞腸/雞心/銀皮/煙燻鵪鶉蛋/羊架/熟成牛舌串/粟米/銀杏/大蔥/鴨油枝豆/鹽燒鰻魚/雞皮紫蘇葉海老/ 櫻花蝦紫薯豆腐
Post
