大手燒 (Closed)

屋企附近開咗呢間「大手燒」，今晚就買個外賣試吓。主食可選便當或漢堡，我就各要一款。牛肉可樂餅便當（$50）每個便當都會有涼拌青瓜、粟米粒、生果、一個雜米飯團同埋主菜。飯團都幾好食，用好多唔同嘅米造成，仲加咗櫻花蝦、芝麻和鰻魚汁，壽司醋份量剛剛好。牛肉可樂餅都幾大嚿，雖然牛肉份量好似唔多，不過吉列外表炸得好脆👍🏻，裏面有薯仔牛肉等配料。另外叫咗個「韓風泡菜芝士炸雞漢堡」（ $50 ），個漢堡超級巨型，脹到個盒都蓋唔到😂仲用錫紙包住保溫，餡料包括生菜、紫洋蔥、蕃茄、炸雞、泡菜、芝士等，炸雞都做得唔錯，夠脆而且都幾大塊，不過我都係覺得泡菜同漢堡唔係好夾，分開食會好啲。😄等緊餐嘅時候，發現佢舖頭牆身貼咗好多塊「大手燒」，原來即係大塊燒餅，有啲似脆脆蝦餅咁樣，都應該幾好食，下次有機會試吓先。😆