又一間餐室

Open Now

Now Closed

以前一直好少踏足新蒲崗呢個地方，近期多咗時間去行下，竟然發現有唔少性價比高嘅餐廳，今次就試咗以日式便當為主題嘅餐廳。點解會話佢係健康日式便當呢，就係因為佢除咗有便當基本嘅飯同送之外，仲有一個木盒裝住唔同嘅蔬菜，另外仲有燉蛋送添～🥡 鰻魚便當 $52便當入面嘅鰻魚唔算大塊，大概係手掌心咁上下，不過味道都算係正常，加埋唔同種類嘅蔬菜用嚟配飯，份量就啱啱好啦。食埋個燉蛋，相信男士都會嗌飽。🥡野味雞便當 $52野味雞即係日式炸雞加上炒過嘅洋蔥同芝麻，我就覺得應該改名叫做惹味雞，香口得嚟又啱晒送飯，同樣有配菜同燉蛋。