緻 (Closed)

今日去咗將軍澳緻呢間日本料理食，揀咗佢哋嘅午市定食，定食有前菜、沙律、茶碗蒸同湯，算好豐富。我揀咗兩個定食。茶碗蒸蛋味濃郁，沙律菜夠晒酸好開胃。麵豉湯入邊有豆腐粒，味道幾濃郁，▶️壽喜燒牛肉烏冬定食$118味道都唔錯，牛肉煮得啱啱好，好嫩滑。烏冬用熱鍋上，所以烏冬熱辣辣，而且煙煙韌韌。用新壽喜燒湯底，味道甜甜地。▶️極上刺身五點盛配壽司飯定食$138刺身有油甘魚、帶子、鰹魚、劍魚腩同三文魚，啲壽司飯有醋味做得好日式風味。最後我加咗$10，揀咗熱檸蜜，唔會太甜嘅。