Lion Rock (Closed)

上網訂咗呢間嘅午餐，去到餐廳都唔使等位就可以入座。酒店內的餐廳質素有返咁上下。我哋上網見到午餐係西餐，不過嚟到見到餐牌係日式。餐前會提供一碟沙律菜給顧客享用，午餐大約有10種，我點了銀雪魚，一個午餐有味增湯、茶碗蒸、刺身（我轉了串燒，雞肉串）、枝豆及白飯。 白飯的份量不多，一個人可以食得晒，銀雪魚都煎得幾靚幾滑，加埋照燒汁幾好食，伴碟亦係沙律菜。另一個午餐點了吞拿魚刺身飯，亦都有味增湯、茶碗蒸及枝豆。甜品及飲品，甜品包括一件牛奶味蛋糕、一杯水果（西瓜及蜜瓜），還有一碟甜餅（忘記了個名稱）我們開頭坐一個比較迫嘅二人座位，我哋冇要求掉位，不過佢最後提供一個舒適的4人座位給我們。服務很好👍🏻。設加一服務費。