鳴門割烹料理 (Closed)

今日到megaBox對面，位於九龍灣國際交易中心食午餐，二樓好多商鋪都關閉，沒有人租...疫情真的好大影響！到餐廳時已經有排隊的人龍，而在我們前面排隊的客人沒有訂位需失望而回，因為全場已滿座，感恩我們有訂座，否則明天請早。逢六日、公眾假期才有的半自助餐，記得訂位！成人每位$268，長者$188，小童$148。人均：$295.自選主食，每位送磯煮鮑魚一隻三色丼有海膽、三文魚籽、火炙鰈魚邊，細細碗但又滿足到胃口！.海膽吞拿魚腩蓉丼吞拿魚腩蓉好好食，食完開始食刺身、小食和其他😍.刺身八款全試，帆立貝和鯛魚特別好食，磯煮鮑魚爽彈入味，好想再來一客。小食的日式蒸蛋好香滑，叫了兩杯，吉列蠔好鬆脆，燒三文魚頭一定要叫，限定供應。