一風堂 (奧海城) (Closed)

今日lunch想食拉麵，見奧海城咁啱有間拉麵店就試下，點知就中咗伏，食到尾真係嬲咗。因為比較餓，所以就追加咗麵，本身自己唔係個太飲湯嘅人，只係飲咗一兩啖。食完第一個麵，碗湯得返3 4啖，已經知道應該唔夠湯食第2個麵。就諗住加完個麵再睇下啲湯去到邊個位就加一碗湯。加完個麵好明顯就變咗個日式印尼撈麵😂咪問店員加湯，點知原來無得加。其實店員係咪應該知自己店舖嘅湯係唔夠2個麵架呢？點解唔預早同客人講返聲？宜家我嗌咗唔食又會浪費，食我又覺得好難食。間鋪整體真係唔太差，係尼個位差咗，其實比碗湯係咪真係咁難呢？希望會改善返。下次如果會再食，會記得提自己唔好加麵。